КЫРК ҮЧҮНЧҮ ЧОҢ КҮНӨӨ
ТУУГАН-УРУКТАН КАРЫМ КАТНАШТЫ ҮЗҮҮ
Алла Таала айтты:
وَاتَّقُواْ اللَّهَ الَّذِي تَسَاءلُونَ بِهِ وَالأَرْحَامَ.
“Силер анын (атын атоо) менен бири-бириңден сураган Алладан жана карым-катнаштан (туугандык карым-катнашты үзүүдөн) корккула”.
Алла Таала айтты:
فَهَلْ عَسَيْتُمْ إِن تَوَلَّيْتُمْ أَن تُفْسِدُوا فِي الأَرْضِ وَتُقَطِّعُوا أَرْحَامَكُمْ (22) أُوْلَئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَى أَبْصَارَهُمْ.
“Силер (урушка киргенден) соң артыңарга кайтып кетсеңер, силер анда жер жүзүндө бузукулукту таратып, бир туугандык байланыштарды үзөсүңөрбү? Аларды Алла Таала каргап, дүлөй жана сокур кылып салгандар”.
Пайгамбарыбыз (ага Алланын тынчтыгы жана мактоосу болсун) айтты: “Тууган-уруктан карым-катнашты үзгөн бейишке кирбейт”.
Пайгамбарыбыз (ага Алланын тынчтыгы жана мактоосу болсун) айтты: “Ким Аллага жана Акыретке ыйман келтирген болсо, тууган-урук менен карым-катнашта болсун”.
Пайгамбарыбыз (ага Алланын тынчтыгы жана мактоосу болсун) айтты: “Алла Таала адамдарды жаратып бүткөндө, жатын (карым-катнаш) туруп айтты: Бул жер тууган-уруктан карым-катнашты үзүп коюудан сенден сактануу (сурай турган) жайбы? Алла Таала: “Ооба, силер менен байланышкан адамдар менен байланышып, силер менен байланышты үзгөндөр менен байланышты үзүүмө ыраазы болбойсуңарбы?” – деди. Алар: “Ыраазы болобуз”, – деп айтышты”.
Пайгамбарыбыз (ага Алланын тынчтыгы жана мактоосу болсун) айтты: “Ким ырыскысы кең жана өмүрү узун болуусун кааласа, тууган уругу менен карым-катнашта болсун”.
Пайгамбарыбыз (ага Алланын тынчтыгы жана мактоосу болсун) айтты: “Жатын (карым-катнаш) Аршта илинип туруп айтат: Ким мени менен байланышса, Алла аны менен байланышта болот, ким мени менен байланышты үзсө, Алла андан байланышты үзөт”.
Дагы бир башка риваятта: Алла Таала айтат: “Ким карым-катнашта болгон болсо, аны менен байланышта болом, ал эми ким карым-катнашты үзгөн болсо, андан байланышты үзөм”.
Алла Таала айтты:
الَّذِينَ يَنْقُضُونَ عَهْدَ اللَّهِ مِنْ بَعْدِ مِيثَاقِهِ وَيَقْطَعُونَ مَا أَمَرَ اللَّهُ بِهِ أَنْ يُوصَلَ ، وَيُفْسِدُونَ فِي الأَرْضِ ، أُولَئِكَ لَهُمُ اللَّعْنَةُ ، وَلَهُمْ سُوءُ الدَّارِ.
“Алла менен келишим бекемделгенден соң аны бузгандар, Алла бириктирүүгө буйруганды ажыраткандар, жер жүзүндө бузукулук кылгандар, мына ушуларга каргыш болсун, алар үчүн жаман жай (даярдалган)”.
Абу Хурайрадан (андан Алла ыраазы болсун) риаят: Пайгамбарыбыз (ага Алланын тынчтыгы жана мактоосу болсун) айтты: “Алла Таала айтат: Мен мээримдүүмүн жана ал жатын (бир туугандык), ким аны менен байланышта болсо, аны менен байланышта болом, ким андан байланышты үзсө, андан байланышты үзөмүн”.
Ким бай болуп туруп, кедей тууган-уругунан карым-катнашты үзгөн болсо, хадистин максаты да ошол, ошондой эле кимде-ким карым-катнашты катуу мүнөздүк, көңүл бөлбөстүк, акмактык менен үзгөн болсо, булар дагы жогорудагы хадистердин ичине камтылат.
Пайгамбарыбыз (ага Алланын тынчтыгы жана мактоосу болсун) айтты: “Салам менен болсо дагы карым-катнашты улап тургула”.
КЫРК ТӨРТҮНЧҮ ЧОҢ КҮНӨӨ
КИЙИМДЕРГЕ ЖАНА ДУБАЛДАРГА (ЖАНДЫКТАРДЫН) СҮРӨТҮН ТАРТУУ
Пайгамбарыбыз (ага Алланын тынчтыгы жана мактоосу болсун) айтты: “Кимде-ким сүрөт тартса, ал (кыяматта) тарткан сүрөтүнө жан киргизүүгө буйрулат, бирок ал, жанды киргизе албайт”.
Пайгамбарыбыз (ага Алланын тынчтыгы жана мактоосу болсун) айтты: “Кыямат күнү адамдардын эң катуу азапталуучулары сүрөтчүлөр. Аларга тарткан нерселериңерди тирилткиле деп айтылат”.
Айша (андан Алла ыраазы болсун) айтат: Алланын элчиси (ага Алланын тынчтыгы жана мактоосу болсун) сапардан келгенде, сүрөтү бар кездеме менен жаздыгымды жаап койгон элем, ал аны айрып салып, жүзү өзгөрүп мындай деди: “Алланын алдында эң катуу азапталуучулар – Алланын жаратканына түспөлдөштүргөндөр”.
Тозоктон бир моюн чыгып мындай дейт: “Мен Аллага шерик кылуучуларга, корс заалымдарга жана сүрөт тартуучуларга жиберилдим”.
Пайгамбарыбыз (ага Алланын тынчтыгы жана мактоосу болсун) айтты: “Акыйкатта бул сүрөттөрдү жасагандар Кыямат күнү азапталып жатышканда, аларга жасаган нерселериңерге жан киргизгиле”, – деп айтылат.
Ибн Аббас (андан Алла ыраазы болсун) айтты: Алланын элчиси (ага Алланын тынчтыгы жана мактоосу болсун) айтып жатканын уктум: “Тозокто ар бир сүрөтчүнүн тарткан сүрөтүнө жан киргизилет да, аны тозокто азаптайт”.
Пайгамбарыбыз (ага Алланын тынчтыгы жана мактоосу болсун) айтты: “Алла Таала айтат: Мен жараткан маклуктар сыяктуу жаратамын деп аракет кылган адамдан заалымыраак адам барбы?!”
Алар бир урук жасап көрүшсүнчү же бир даана арпа жаратышсынчы!
Пайгамбарыбыздан (ага Алланын тынчтыгы жана мактоосу болсун) сүрөт тартуучуларды каргаган сахих хадистер айтылган.