سُورَةُ النَّبَإِ
﷽
Мээримдүү, Ырайымдуу Алланын аты менен!عَمَّ یَتَسَاۤءَلُونَ 1
78:1 Алар бири-биринен эмне жөнүндө сурашат?
عَنِ ٱلنَّبَإِ ٱلۡعَظِیمِ 2
78:2 Улуу кабар жөнүндө (сурашат).
ٱلَّذِی هُمۡ فِیهِ مُخۡتَلِفُونَ 3
78:3 Алар ал тууралуу түрдүү талаш-тартышта.
كَلَّا سَیَعۡلَمُونَ 4
78:4 Оо жок! Алар жакында билишет.
ثُمَّ كَلَّا سَیَعۡلَمُونَ 5
78:5 Дагы да бир ирет, жок! Алар жакында билишет!
أَلَمۡ نَجۡعَلِ ٱلۡأَرۡضَ مِهَـٰدࣰا 6
78:6 Биз силерге жерди жайылган (төшөк сыяктуу) кылып койбодукпу?!
وَٱلۡجِبَالَ أَوۡتَادࣰا 7
78:7 Тоолорду (бекем) казыктар (сыяктуу кылып жаратпадыкпы?)
وَخَلَقۡنَـٰكُمۡ أَزۡوَ ٰجࣰا 8
78:8 Силерди жуп кылып жараттык.
وَجَعَلۡنَا نَوۡمَكُمۡ سُبَاتࣰا 9
78:9 Уйкуңарды (денеңер үчүн)ырыхат кылдык.
وَجَعَلۡنَا ٱلَّیۡلَ لِبَاسࣰا 10
78:10 Түндү жамынчы кылдык.
وَجَعَلۡنَا ٱلنَّهَارَ مَعَاشࣰا 11
78:11 Тиричилик үчүн күндүздү жараттык.
وَبَنَیۡنَا فَوۡقَكُمۡ سَبۡعࣰا شِدَادࣰا 12
78:12 Силердин үстүңөргө жети кабат бекем асманды куруп койдук.
وَجَعَلۡنَا سِرَاجࣰا وَهَّاجࣰا 13
78:13 ысык-нурлуу чыракты (күндү) жараттык.
وَأَنزَلۡنَا مِنَ ٱلۡمُعۡصِرَ ٰتِ مَاۤءࣰ ثَجَّاجࣰا 14
78:14 Булуттардан нөшөрлөгөн жаан жаадырдык,
لِّنُخۡرِجَ بِهِۦ حَبࣰّا وَنَبَاتࣰا 15
78:15 дан, өсүмдүктөрдү чыгарып берүүбүз үчүн,
وَجَنَّـٰتٍ أَلۡفَافًا 16
78:16 чырмалышкан дарактарды да (өстүрүү үчүн).
إِنَّ یَوۡمَ ٱلۡفَصۡلِ كَانَ مِیقَـٰتࣰا 17
78:17 Акыйкатта ажыратуучу күн (Кыямат күн) белгиленген убакыт эле.
یَوۡمَ یُنفَخُ فِی ٱلصُّورِ فَتَأۡتُونَ أَفۡوَاجࣰا 18
78:18 Сурнай тартылган күнү силер топ-топ болуп келесиңер.
وَفُتِحَتِ ٱلسَّمَاۤءُ فَكَانَتۡ أَبۡوَ ٰبࣰا 19
78:19 Ошондо (асман) ачылып, каалгаларга айланат.
وَسُیِّرَتِ ٱلۡجِبَالُ فَكَانَتۡ سَرَابًا 20
78:20 Тоолор ордунан жылдырылып, закым болуп калат.
إِنَّ جَهَنَّمَ كَانَتۡ مِرۡصَادࣰا 21
78:21 Акыйкатта, тозок көз тутуучу болот.
لِّلطَّـٰغِینَ مَـَٔابࣰا 22
78:22 (Ал) чектен ашкандар үчүн бара турган жай.
لَّـٰبِثِینَ فِیهَاۤ أَحۡقَابࣰا 23
78:23 Алар анда түбөлүккө калышат.
لَّا یَذُوقُونَ فِیهَا بَرۡدࣰا وَلَا شَرَابًا 24
78:24 Алар анда салкынды да, эч кандай суусундук да татышпайт,
إِلَّا حَمِیمࣰا وَغَسَّاقࣰا 25
78:25 Болгону (тозокулардын денесинен аккан) сасык ириң жана (ичегилерди тилип, үзүп жибере турган даражадагы)кайнак суу (менен гана “азыктанышат”).
جَزَاۤءࣰ وِفَاقًا 26
78:26 (Бул алар үчүн) татыктуу жаза.
إِنَّهُمۡ كَانُوا۟ لَا یَرۡجُونَ حِسَابࣰا 27
78:27 Акыйкатта, алар эсеп-кысапты күтүшкөн эмес эле.
وَكَذَّبُوا۟ بِـَٔایَـٰتِنَا كِذَّابࣰا 28
78:28 Биздин аяттарыбызды ачык түрдө жалганга чыгарышкан.
وَكُلَّ شَیۡءٍ أَحۡصَیۡنَـٰهُ كِتَـٰبࣰا 29
78:29 Биз баарысын эсептеп, (китеп кылып) жазып койгонбуз.
فَذُوقُوا۟ فَلَن نَّزِیدَكُمۡ إِلَّا عَذَابًا 30
78:30 Эми, (жазаңарды)таткыла! Биз силерге азапты гана көбөйтөбүз!
إِنَّ لِلۡمُتَّقِینَ مَفَازًا 31
78:31 Албетте, такыбалар үчүн ийгилик жайы (Бейиш),
حَدَاۤىِٕقَ وَأَعۡنَـٰبࣰا 32
78:32 Бак-дарактар жана жүзүмзарлар,
وَكَوَاعِبَ أَتۡرَابࣰا 33
78:33 Бирдей курактагы үр (бейиш) кыздар,
وَكَأۡسࣰا دِهَاقࣰا 34
78:34 Толтура идиштер да (бар).
لَّا یَسۡمَعُونَ فِیهَا لَغۡوࣰا وَلَا كِذَّ ٰبࣰا 35
78:35 Алар анда пайдасыз жана жалган сөздөрдү угушпайт.
جَزَاۤءࣰ مِّن رَّبِّكَ عَطَاۤءً حِسَابࣰا 36
78:36 Бул Роббиң тарабынан аларга берилген мол сыйлык.
رَّبِّ ٱلسَّمَـٰوَ ٰتِ وَٱلۡأَرۡضِ وَمَا بَیۡنَهُمَا ٱلرَّحۡمَـٰنِۖ لَا یَمۡلِكُونَ مِنۡهُ خِطَابࣰا 37
78:37 (Ушул сыйлыкты берген Робб) асмандар менен жердин, ал экөөнүн арасындагы бардык нерселердин да Роббиси болгон Ырайымдуу Зат. (Ошондуктан, ал күнү эч ким Анын уруксаты болмоюнча)сөз сүйлөөгө батына албайт.
یَوۡمَ یَقُومُ ٱلرُّوحُ وَٱلۡمَلَـٰۤىِٕكَةُ صَفࣰّاۖ لَّا یَتَكَلَّمُونَ إِلَّا مَنۡ أَذِنَ لَهُ ٱلرَّحۡمَـٰنُ وَقَالَ صَوَابࣰا 38
78:38 Ошол күндө Рух (Жабраиль периште) жана (башка) периштелер топ-тобу менен тизилип турушат жана Мээримдүү (Алла Таала) тарабынан уруксат берилген гана сүйлөй алат. Ошондо да чындыкты гана айта алат.
ذَ ٰلِكَ ٱلۡیَوۡمُ ٱلۡحَقُّۖ فَمَن شَاۤءَ ٱتَّخَذَ إِلَىٰ رَبِّهِۦ مَـَٔابًا 39
78:39 Бул – чындап болуучу Күн. Ал эми, ким кааласа (жакшы амалдарды кылат жана) Роббисине (ошол амалдар менен) кайтууну(н жолдорун бекем) кармайт.
إِنَّاۤ أَنذَرۡنَـٰكُمۡ عَذَابࣰا قَرِیبࣰا یَوۡمَ یَنظُرُ ٱلۡمَرۡءُ مَا قَدَّمَتۡ یَدَاهُ وَیَقُولُ ٱلۡكَافِرُ یَـٰلَیۡتَنِی كُنتُ تُرَ ٰبَۢا 40
78:40 Акыйкатта Биз силерди жакында болуучу азаптар тууралуу эскерткенбиз! Ошол Күнү ар бир адам өз колу менен жасаганын көрөт. Ал эми каапыр: «Аттиң, кана эми, (ушундай азапка дуушар болгондон көрө) топурак эле болуп калсам!» – дейт.