سُورَةُ القَمَرِ
﷽
Мээримдүү, Ырайымдуу Алланын аты менен!ٱقۡتَرَبَتِ ٱلسَّاعَةُ وَٱنشَقَّ ٱلۡقَمَرُ 1
54:1 Кыямат жакындашты жана Ай (экиге) бөлүндү.
وَإِن یَرَوۡا۟ ءَایَةࣰ یُعۡرِضُوا۟ وَیَقُولُوا۟ سِحۡرࣱ مُّسۡتَمِرࣱّ 2
54:2 Алар (Курайш каапырлары) мужизаны көрүп турса да, (чындыктан) жүз үйрүп «Бул – ар дайымкы сыйкыр» – дешет.
وَكَذَّبُوا۟ وَٱتَّبَعُوۤا۟ أَهۡوَاۤءَهُمۡۚ وَكُلُّ أَمۡرࣲ مُّسۡتَقِرࣱّ 3
54:3 (Пайгамбарды) жалганчыга чыгарып, өздөрүнүн напсилерин ээрчиди. Бирок, ар бир амал (Кыяматта) өз ордун табат.
وَلَقَدۡ جَاۤءَهُم مِّنَ ٱلۡأَنۢبَاۤءِ مَا فِیهِ مُزۡدَجَرٌ 4
54:4 Чындыгында, аларга жүрөк үшүткөн (абалкы каапыр коомдордун) кабарлары келген эле,
حِكۡمَةُۢ بَـٰلِغَةࣱۖ فَمَا تُغۡنِ ٱلنُّذُرُ 5
54:5 анда (Куранда) жеткиликтүү даанышмандык (бар). Бул эскертүү да пайда берген жок.
فَتَوَلَّ عَنۡهُمۡۘ یَوۡمَ یَدۡعُ ٱلدَّاعِ إِلَىٰ شَیۡءࣲ نُّكُرٍ 6
54:6 Сен дагы алардан жүз үйрү(п, Кыяматтагы жазалануусун күт)! Ал эми, Чакыруучу (Исрафил периште Сур кернейин тартып) жагымсыз нерсеге (Махшар майданына) чакырган күндө…
خُشَّعًا أَبۡصَـٰرُهُمۡ یَخۡرُجُونَ مِنَ ٱلۡأَجۡدَاثِ كَأَنَّهُمۡ جَرَادࣱ مُّنتَشِرࣱ 7
54:7 Алар көздөрү корккон абалда мүрзөлөрдөн жайылган чегирткелер сыяктуу болуп чыга келишет.
مُّهۡطِعِینَ إِلَى ٱلدَّاعِۖ یَقُولُ ٱلۡكَـٰفِرُونَ هَـٰذَا یَوۡمٌ عَسِرࣱ 8
54:8 Чакыруучу тарапка умтулуп, каапырлар: «Бул – оор Күн!» – дешет.
۞ كَذَّبَتۡ قَبۡلَهُمۡ قَوۡمُ نُوحࣲ فَكَذَّبُوا۟ عَبۡدَنَا وَقَالُوا۟ مَجۡنُونࣱ وَٱزۡدُجِرَ 9
54:9 Алардан мурун Нух коому дагы (чындыкты) «жалган», пендебизди «жалганчы», «жинди» деп, (ар кандай сөздөр менен) опузалашкан.
فَدَعَا رَبَّهُۥۤ أَنِّی مَغۡلُوبࣱ فَٱنتَصِرۡ 10
54:10 Анан ал Роббисине дуба кылып: «О, Роббим! Мен алсыз калдым, мага жардам бер!» – деп жалбарды.
فَفَتَحۡنَاۤ أَبۡوَ ٰبَ ٱلسَّمَاۤءِ بِمَاۤءࣲ مُّنۡهَمِرࣲ 11
54:11 Асман эшиктерин нөшөрлөгөн жамгыр менен ачтык.
وَفَجَّرۡنَا ٱلۡأَرۡضَ عُیُونࣰا فَٱلۡتَقَى ٱلۡمَاۤءُ عَلَىٰۤ أَمۡرࣲ قَدۡ قُدِرَ 12
54:12 Жерден дагы атырылган булактарды чыгардык. Анан…(Алла тарабынан) тагдыр кылынган ишти болтуруу үчүн эки суу бирикти.
وَحَمَلۡنَـٰهُ عَلَىٰ ذَاتِ أَلۡوَ ٰحࣲ وَدُسُرࣲ 13
54:13 Биз аны (Нухту) тактай жана мыктар менен куралган нерсе(кеме)де (суу үстүнө) көтөрдүк.
تَجۡرِی بِأَعۡیُنِنَا جَزَاۤءࣰ لِّمَن كَانَ كُفِرَ 14
54:14 Ал (кеме) Биздин көз алдыбызда, каапырлар тарабынан четке кагылган кишиге сыйлык болуп желип баратты.
وَلَقَد تَّرَكۡنَـٰهَاۤ ءَایَةࣰ فَهَلۡ مِن مُّدَّكِرࣲ 15
54:15 Чындыгында, Биз аны эскертүү катары калтырдык. Андан сабак алуучу барбы?
فَكَیۡفَ كَانَ عَذَابِی وَنُذُرِ 16
54:16 Азабым жана эскертүүм кандай болду!?
وَلَقَدۡ یَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرࣲ 17
54:17 Чындыгында Биз Куранды эскерүүгө жеңил кылдык. Аны эскерүүчүлөр барбы?
كَذَّبَتۡ عَادࣱ فَكَیۡفَ كَانَ عَذَابِی وَنُذُرِ 18
54:18 Аад (коому) дагы (Худ пайгамбарды) «жалганчы» деген эле. Анан Менин (аларга көргөзгөн) азабым жана эскертүүм кандай болду!?
إِنَّاۤ أَرۡسَلۡنَا عَلَیۡهِمۡ رِیحࣰا صَرۡصَرࣰا فِی یَوۡمِ نَحۡسࣲ مُّسۡتَمِرࣲّ 19
54:19 Алардын үстүнө каргашалуу күндө (жети түн, сегиз күн бурганактаган) токтоосуз катуу бороон жибердик.
تَنزِعُ ٱلنَّاسَ كَأَنَّهُمۡ أَعۡجَازُ نَخۡلࣲ مُّنقَعِرࣲ 20
54:20 Ал адамдарды омкорулган курма дарагы сыяктуу (турган жеринен) жулуп алды.
فَكَیۡفَ كَانَ عَذَابِی وَنُذُرِ 21
54:21 Азабым менен эскертүүм кандай болду?!
وَلَقَدۡ یَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرࣲ 22
54:22 Чындыгында Биз Куранды эскерүүгө жеңил кылдык. Аны эскерүүчүлөр барбы?
كَذَّبَتۡ ثَمُودُ بِٱلنُّذُرِ 23
54:23 Самуд эли да эскертүүнү четке кагышкан:
فَقَالُوۤا۟ أَبَشَرࣰا مِّنَّا وَ ٰحِدࣰا نَّتَّبِعُهُۥۤ إِنَّاۤ إِذࣰا لَّفِی ضَلَـٰلࣲ وَسُعُرٍ 24
54:24 Алар: «Арабыздагы бир адамды ээрчийбизби? Андай болсо, биз адашууда жана акылсыздык абалында (болобуз).
أَءُلۡقِیَ ٱلذِّكۡرُ عَلَیۡهِ مِنۢ بَیۡنِنَا بَلۡ هُوَ كَذَّابٌ أَشِرࣱ 25
54:25 Биздин арабыздан эскертүү бир гана ага түшүрүлдүбү!? Балким ал – жалганчы, текебер» – дешти.
سَیَعۡلَمُونَ غَدࣰا مَّنِ ٱلۡكَذَّابُ ٱلۡأَشِرُ 26
54:26 Алар жакында ким жалганчы текебер экенин билишет!
إِنَّا مُرۡسِلُوا۟ ٱلنَّاقَةِ فِتۡنَةࣰ لَّهُمۡ فَٱرۡتَقِبۡهُمۡ وَٱصۡطَبِرۡ 27
54:27 (О, Салих!) Биз аларды сыноо үчүн (аска таштан) бир төө чыгарып бердик. Эми аларга назар салып, сабыр кылып тур.
وَنَبِّئۡهُمۡ أَنَّ ٱلۡمَاۤءَ قِسۡمَةُۢ بَیۡنَهُمۡۖ كُلُّ شِرۡبࣲ مُّحۡتَضَرࣱ 28
54:28 Аларга суу (ичүү кезеги) бөлүнгөнүн кабар бер. Ар бир суу ичүүчү өз кезегинде келсин!
فَنَادَوۡا۟ صَاحِبَهُمۡ فَتَعَاطَىٰ فَعَقَرَ 29
54:29 Анан алар (келишимди бузуп), өздөрүнүн бир (мыкаачы) шеригин чакырышты. Ал болсо, (төөнү) кармады жана союп жиберди.
فَكَیۡفَ كَانَ عَذَابِی وَنُذُرِ 30
54:30 Азабым менен эскертүүм кандай болгон?!
إِنَّاۤ أَرۡسَلۡنَا عَلَیۡهِمۡ صَیۡحَةࣰ وَ ٰحِدَةࣰ فَكَانُوا۟ كَهَشِیمِ ٱلۡمُحۡتَظِرِ 31
54:31 Биз аларга катуу добуш жибердик эле, короо курган (чабан)дын куурайындай болуп (төгүлүп) калышты.
وَلَقَدۡ یَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرࣲ 32
54:32 Чындыгында Биз Куранды эскерүүгө жеңил кылдык. Аны эскерүүчүлөр барбы?
كَذَّبَتۡ قَوۡمُ لُوطِۭ بِٱلنُّذُرِ 33
54:33 Луттун эли да эскертүүнү четке кагышкан.
إِنَّاۤ أَرۡسَلۡنَا عَلَیۡهِمۡ حَاصِبًا إِلَّاۤ ءَالَ لُوطࣲۖ نَّجَّیۡنَـٰهُم بِسَحَرࣲ 34
54:34 Биз аларга бороондуу таш жаадырдык. Бир гана Луттун үй-бүлөсүн таң убактысында куткардык.
نِّعۡمَةࣰ مِّنۡ عِندِنَاۚ كَذَ ٰلِكَ نَجۡزِی مَن شَكَرَ 35
54:35 Өзүбүздөн жакшылык иретинде. шүгүр кылгандарды ушинтип сыйлайбыз.
وَلَقَدۡ أَنذَرَهُم بَطۡشَتَنَا فَتَمَارَوۡا۟ بِٱلنُّذُرِ 36
54:36 Чындыгында (Лут) аларга келүүчү апаат тууралуу эскерткен болчу. Бирок, алар эскертүүдөн шектеништи.
وَلَقَدۡ رَ ٰوَدُوهُ عَن ضَیۡفِهِۦ فَطَمَسۡنَاۤ أَعۡیُنَهُمۡ فَذُوقُوا۟ عَذَابِی وَنُذُرِ 37
54:37 Чындыгында, алар (Луттун) конокторун (бачабаздык үчүн чыгарып берүүнү) талап кылышты. Биз алардын көзүн сокур кылып койдук. Эми, Менин эскертүүм жана азабымды(н даамын) татышсын.
وَلَقَدۡ صَبَّحَهُم بُكۡرَةً عَذَابࣱ مُّسۡتَقِرࣱّ 38
54:38 Таң эрте менен алар түбөлүктүү азапка кабылышты.
فَذُوقُوا۟ عَذَابِی وَنُذُرِ 39
54:39 (Мына эми) азабым менен эскертүүмдүн даамын таткыла!!!
وَلَقَدۡ یَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرࣲ 40
54:40 Чындыгында, Биз Куранды эскерүүгө жеңил кылдык. Аны эскерүүчүлөр барбы?
وَلَقَدۡ جَاۤءَ ءَالَ فِرۡعَوۡنَ ٱلنُّذُرُ 41
54:41 Чындыгында фараондун үй бүлөсүнө эскертүү келди.
كَذَّبُوا۟ بِـَٔایَـٰتِنَا كُلِّهَا فَأَخَذۡنَـٰهُمۡ أَخۡذَ عَزِیزࣲ مُّقۡتَدِرٍ 42
54:42 (Бирок), бардык аят-мужизаларыбызды жалганга чыгарышты. Ошондо аларды абдан катуу кармоо менен кармадык.
أَكُفَّارُكُمۡ خَیۡرࣱ مِّنۡ أُو۟لَـٰۤىِٕكُمۡ أَمۡ لَكُم بَرَاۤءَةࣱ فِی ٱلزُّبُرِ 43
54:43 (О, Курайш эли!) Силердин араңардагы каапырлар абалкы каапырлардан жакшыбы? Же абалкы ыйык китептерде («Курайш каапырларына азап келбейт» деген) актооңор барбы?
أَمۡ یَقُولُونَ نَحۡنُ جَمِیعࣱ مُّنتَصِرࣱ 44
54:44 Же болбосо алар «Биз жеңилгис жамаатпыз» дешеби?!
سَیُهۡزَمُ ٱلۡجَمۡعُ وَیُوَلُّونَ ٱلدُّبُرَ 45
54:45 Алардын тобу кыйроого учурайт жана артын көздөй качышат.
بَلِ ٱلسَّاعَةُ مَوۡعِدُهُمۡ وَٱلسَّاعَةُ أَدۡهَىٰ وَأَمَرُّ 46
54:46 Жок! (Алар муну менен кутулбайт!) Кыямат – аларга (азап) убада кылынган Күн! Кыямат(тын азабы) улуу жана ачуураак!
إِنَّ ٱلۡمُجۡرِمِینَ فِی ضَلَـٰلࣲ وَسُعُرࣲ 47
54:47 Чындыгында, ыймансыздар адашууда жана жалындуу Отто (болушат).
یَوۡمَ یُسۡحَبُونَ فِی ٱلنَّارِ عَلَىٰ وُجُوهِهِمۡ ذُوقُوا۟ مَسَّ سَقَرَ 48
54:48 Кыямат Күнү жүздөрү менен Тозокко ташталып: «Тозоктун даамын таткыла!» – (деп айтылат).
إِنَّا كُلَّ شَیۡءٍ خَلَقۡنَـٰهُ بِقَدَرࣲ 49
54:49 Чындыгында, Биз бардык нерсени тагдыр-өлчөм менен жаратканбыз.
وَمَاۤ أَمۡرُنَاۤ إِلَّا وَ ٰحِدَةࣱ كَلَمۡحِۭ بِٱلۡبَصَرِ 50
54:50 Биздин буйругубуз бир көз ирмемдик сыяктуу.
وَلَقَدۡ أَهۡلَكۡنَاۤ أَشۡیَاعَكُمۡ فَهَلۡ مِن مُّدَّكِرࣲ 51
54:51 Чындыгында, Биз силерге окшогондорду(н көбүн) кыйратканбыз. Андан үлгү алуучу барбы?
وَكُلُّ شَیۡءࣲ فَعَلُوهُ فِی ٱلزُّبُرِ 52
54:52 Алардын бардык иштери (периштелер жазган) китептерде бар.
وَكُلُّ صَغِیرࣲ وَكَبِیرࣲ مُّسۡتَطَرٌ 53
54:53 Ар бир чоң жана майда иштер (жазылган).
إِنَّ ٱلۡمُتَّقِینَ فِی جَنَّـٰتࣲ وَنَهَرࣲ 54
54:54 Чынында, такыба адамдар Бейиштерде жана дайралард(ын боюнд)а.
فِی مَقۡعَدِ صِدۡقٍ عِندَ مَلِیكࣲ مُّقۡتَدِرِۭ 55
54:55Кудуреттүү Падышанын алдындагы чыныгы (бардык ырахат-жыргалы бар) орундарда (болушат).