سُورَةُ الذَّارِيَاتِ
﷽
Мээримдүү, Ырайымдуу Алланын аты менен!وَٱلذَّ ٰرِیَـٰتِ ذَرۡوࣰا 1
51:1 (Топуракты) тозгута желген шамалдарга ант!
فَٱلۡحَـٰمِلَـٰتِ وِقۡرࣰا 2
51:2 Көп сууга (жамгырга) кош бойлуу болгон булуттарга ант!
فَٱلۡجَـٰرِیَـٰتِ یُسۡرࣰا 3
51:3 Жеңил сүзүп бараткан кемелерге ант!
فَٱلۡمُقَسِّمَـٰتِ أَمۡرًا 4
51:4 Ишти бөлүштүрүүчүгө (периштеге) ант!
إِنَّمَا تُوعَدُونَ لَصَادِقࣱ 5
51:5 (О, пенделер!) Силерге убада кылынган нерсе – бул чындык!
وَإِنَّ ٱلدِّینَ لَوَ ٰقِعࣱ 6
51:6 Акыйкатта, Кыямат Күн болоору анык.
وَٱلسَّمَاۤءِ ذَاتِ ٱلۡحُبُكِ 7
51:7 Кооз-көркөм асманга ант!
إِنَّكُمۡ لَفِی قَوۡلࣲ مُّخۡتَلِفࣲ 8
51:8 (Эй, мушриктер) силердин айткан-дегениңер аныгында туруксуз (сөздөр).
یُؤۡفَكُ عَنۡهُ مَنۡ أُفِكَ 9
51:9 Андан (Курандан) бурулган адам(ды чындыктан) буруп коюлат.
قُتِلَ ٱلۡخَرَّ ٰصُونَ 10
51:10 Жалганчыларга өлүм болсун!
ٱلَّذِینَ هُمۡ فِی غَمۡرَةࣲ سَاهُونَ 11
51:11 Алар наадандык, адашуу ириминде (айлампасында) агышат.
یَسۡـَٔلُونَ أَیَّانَ یَوۡمُ ٱلدِّینِ 12
51:12 (Сени сынап, жалганчыга чыгаруу үчүн): «Кыямат Күн качан?» – деп сурашат.
یَوۡمَ هُمۡ عَلَى ٱلنَّارِ یُفۡتَنُونَ 13
51:13 Ал Күнү тозокто азап тартышат!
ذُوقُوا۟ فِتۡنَتَكُمۡ هَـٰذَا ٱلَّذِی كُنتُم بِهِۦ تَسۡتَعۡجِلُونَ 14
51:14 (Анан аларга) «Азабыңарды тарткыла! Силер («качан-качан» деп) шаштырган күнүңөр – ушул» (деп айтылат).
إِنَّ ٱلۡمُتَّقِینَ فِی جَنَّـٰتࣲ وَعُیُونٍ 15
51:15 Акыйкатта, такыбалар булактарда жана бактарда болот.
ءَاخِذِینَ مَاۤ ءَاتَىٰهُمۡ رَبُّهُمۡۚ إِنَّهُمۡ كَانُوا۟ قَبۡلَ ذَ ٰلِكَ مُحۡسِنِینَ 16
51:16 Алар дүйнө жашоосунда сооп иштери үчүн өз Роббисинен сыйлык алышат.
كَانُوا۟ قَلِیلࣰا مِّنَ ٱلَّیۡلِ مَا یَهۡجَعُونَ 17
51:17 Алар түндө аз убакыт гана укташкан.
وَبِٱلۡأَسۡحَارِ هُمۡ یَسۡتَغۡفِرُونَ 18
51:18 Таң эрте менен (Алладан) кечирим сурашкан.
وَفِیۤ أَمۡوَ ٰلِهِمۡ حَقࣱّ لِّلسَّاۤىِٕلِ وَٱلۡمَحۡرُومِ 19
51:19 Алардын (адал эмгек менен тапкан) мал-дүйнөсүндө, тилемчилердин жана муктаждардын акысы болгон.
وَفِی ٱلۡأَرۡضِ ءَایَـٰتࣱ لِّلۡمُوقِنِینَ 20
51:20 (Алланын кудуретине) айкын ишенгендер үчүн Жер үстүндө (жандуу-жансыз макулуктарда) белгилер бар.
وَفِیۤ أَنفُسِكُمۡۚ أَفَلَا تُبۡصِرُونَ 21
51:21 Силердин өзүңөрдө да (белгилер бар), аны карап көрбөйсүңөрбү?
وَفِی ٱلسَّمَاۤءِ رِزۡقُكُمۡ وَمَا تُوعَدُونَ 22
51:22 Асманда силердин ырыскыңар жана силерге убада кылынган нерселер бар.
فَوَرَبِّ ٱلسَّمَاۤءِ وَٱلۡأَرۡضِ إِنَّهُۥ لَحَقࣱّ مِّثۡلَ مَاۤ أَنَّكُمۡ تَنطِقُونَ 23
51:23 Андыктан Асман менен Жердин Роббисине ант; ал (Алланын Лавхул-Махфуздагы убадасы) силердин сүйлөп жатканыңар сыяктуу эле Акыйкат!
هَلۡ أَتَىٰكَ حَدِیثُ ضَیۡفِ إِبۡرَ ٰهِیمَ ٱلۡمُكۡرَمِینَ 24
51:24 (О, Мухаммад!) Ибрахимдин сыйлуу коноктору жөнүндө сага кабар келдиби?
إِذۡ دَخَلُوا۟ عَلَیۡهِ فَقَالُوا۟ سَلَـٰمࣰاۖ قَالَ سَلَـٰمࣱ قَوۡمࣱ مُّنكَرُونَ 25
51:25 Бир кезде алар (адам түспөлүндөгү эки периште) ага кирип: «Салам», – дешти. Ал дагы: «Салам (эй) бейтааныш кишилер», – деди.
فَرَاغَ إِلَىٰۤ أَهۡلِهِۦ فَجَاۤءَ بِعِجۡلࣲ سَمِینࣲ 26
51:26 Анан тымызын үй-бүлөсүнө барып, семиз музоону(н бышкан этин) алып келди.
فَقَرَّبَهُۥۤ إِلَیۡهِمۡ قَالَ أَلَا تَأۡكُلُونَ 27
51:27 Аны аларга жакын коюп: «Эмнеге жебейсиңер?» – деди.
فَأَوۡجَسَ مِنۡهُمۡ خِیفَةࣰۖ قَالُوا۟ لَا تَخَفۡۖ وَبَشَّرُوهُ بِغُلَـٰمٍ عَلِیمࣲ 28
51:28 Андан соң алардан кооптоно түштү. Алар: «Сен коркпогун» – дешти жана ага (келечекте) илимдүү (боло турган) перзенттин куш кабарын беришти.
فَأَقۡبَلَتِ ٱمۡرَأَتُهُۥ فِی صَرَّةࣲ فَصَكَّتۡ وَجۡهَهَا وَقَالَتۡ عَجُوزٌ عَقِیمࣱ 29
51:29 Ошондо (Ибрахимдин) аялы кыйкырып, өз бетине уруп: “Мен төрөбөс карыган аялмын, го?!”, – деди.
قَالُوا۟ كَذَ ٰلِكِ قَالَ رَبُّكِۖ إِنَّهُۥ هُوَ ٱلۡحَكِیمُ ٱلۡعَلِیمُ 30
51:30 Алар (периштелер): “Сенин Роббиң ушундай деди. Акыйкатта, Ал Даанышман, Билүүчү”.
۞ قَالَ فَمَا خَطۡبُكُمۡ أَیُّهَا ٱلۡمُرۡسَلُونَ 31
51:31 (Ибрахим ошондо гана алардын периште экенин түшүнүп): “О элчилер, силердин келген максатыңар эмне?” – деп сурады.
قَالُوۤا۟ إِنَّاۤ أُرۡسِلۡنَاۤ إِلَىٰ قَوۡمࣲ مُّجۡرِمِینَ 32
51:32 “Биз күнөөкөр коомго (Лут коомуна) жиберилдик”, – дешти.
لِنُرۡسِلَ عَلَیۡهِمۡ حِجَارَةࣰ مِّن طِینࣲ 33
51:33 “Алардын үстүнө чопо-таштарды жаадыруу үчүн”,
مُّسَوَّمَةً عِندَ رَبِّكَ لِلۡمُسۡرِفِینَ 34
51:34 “(ал таштар) чектен чыккандарды жазалоо үчүн белгиленген”.
فَأَخۡرَجۡنَا مَن كَانَ فِیهَا مِنَ ٱلۡمُؤۡمِنِینَ 35
51:35 Биз ыймандууларды (шаардан) чыгардык.
فَمَا وَجَدۡنَا فِیهَا غَیۡرَ بَیۡتࣲ مِّنَ ٱلۡمُسۡلِمِینَ 36
51:36 Ал жерде бир гана (Лутка тиешелүү) үйдөн башка мусулмандарды таппадык.
وَتَرَكۡنَا فِیهَاۤ ءَایَةࣰ لِّلَّذِینَ یَخَافُونَ ٱلۡعَذَابَ ٱلۡأَلِیمَ 37
51:37 жана Биз ал жерге Кудайдын катуу азабынан коркуучулар үчүн белгилерди таштадык.
وَفِی مُوسَىٰۤ إِذۡ أَرۡسَلۡنَـٰهُ إِلَىٰ فِرۡعَوۡنَ بِسُلۡطَـٰنࣲ مُّبِینࣲ 38
51:38 Муса(нын окуясын)да дагы (азаптан корко турган элдер үчүн) белгилер бар. Бир кезде Биз аны Фираунга анык далил (дин) менен жибердик эле…
فَتَوَلَّىٰ بِرُكۡنِهِۦ وَقَالَ سَـٰحِرٌ أَوۡ مَجۡنُونࣱ 39
51:39 (Фираун) далысын салып, тескери карады жана: «(Муса) сыйкырчы же жинди» – деди.
فَأَخَذۡنَـٰهُ وَجُنُودَهُۥ فَنَبَذۡنَـٰهُمۡ فِی ٱلۡیَمِّ وَهُوَ مُلِیمࣱ 40
51:40 Ошондо Биз анын өзү менен аскерлерин алдык да, деңиздин түбүнө таштадык. Ал айыпталган (күнөөкөр) болчу.
وَفِی عَادٍ إِذۡ أَرۡسَلۡنَا عَلَیۡهِمُ ٱلرِّیحَ ٱلۡعَقِیمَ 41
51:41 Аад (окуясын)да дагы (сабак) бар: бир кезде Биз аларга кыйраткыч шамалды жибердик,
مَا تَذَرُ مِن شَیۡءٍ أَتَتۡ عَلَیۡهِ إِلَّا جَعَلَتۡهُ كَٱلرَّمِیمِ 42
51:42 ал өзү өткөн жерлерде чириген күлдөн башка эч нерсе калтырбады.
وَفِی ثَمُودَ إِذۡ قِیلَ لَهُمۡ تَمَتَّعُوا۟ حَتَّىٰ حِینࣲ 43
51:43 Самуд (коомунда) да аларга белги бар: “Белгилүү убакытка чейин жыргай тургула”, – делинди.
فَعَتَوۡا۟ عَنۡ أَمۡرِ رَبِّهِمۡ فَأَخَذَتۡهُمُ ٱلصَّـٰعِقَةُ وَهُمۡ یَنظُرُونَ 44
51:44 Алар Алланын буйругуна каршы чыгышты. Анан (капыстан) аларды, карап турган абалдарында ач айкырык кармады.
فَمَا ٱسۡتَطَـٰعُوا۟ مِن قِیَامࣲ وَمَا كَانُوا۟ مُنتَصِرِینَ 45
51:45 (Жаткан, олтурган орундарынан) турганга да үлгүрбөй (кыйрап) калышты жана жардамчы да таба албады.
وَقَوۡمَ نُوحࣲ مِّن قَبۡلُۖ إِنَّهُمۡ كَانُوا۟ قَوۡمࣰا فَـٰسِقِینَ 46
51:46 Аларга чейин Биз Нухтун коомун жок кылдык. Анткени, алар бузулган коом эле.
وَٱلسَّمَاۤءَ بَنَیۡنَـٰهَا بِأَیۡی۟دࣲ وَإِنَّا لَمُوسِعُونَ 47
51:47 Биз Асманды өзүбүздүн кубатыбыз менен көтөрдүк жана Биз аны кеңейтүүчүбүз.
وَٱلۡأَرۡضَ فَرَشۡنَـٰهَا فَنِعۡمَ ٱلۡمَـٰهِدُونَ 48
51:48 Жерди болсо (төшөк кылып) жазып (жашоого даярдап) койдук! (Биз) төшөгөнүбүз кандай сонун!
وَمِن كُلِّ شَیۡءٍ خَلَقۡنَا زَوۡجَیۡنِ لَعَلَّكُمۡ تَذَكَّرُونَ 49
51:49 Бардык нерселерди Биз жуп кылып жараттык. Мүмкүн силер эскерме (насаат) – аларсыңар.
فَفِرُّوۤا۟ إِلَى ٱللَّهِۖ إِنِّی لَكُم مِّنۡهُ نَذِیرࣱ مُّبِینࣱ 50
51:50 Аллага гана шашылгыла. Анткени, мен силер үчүн Андан (келген) тек гана ачык эскертүүчүмүн.
وَلَا تَجۡعَلُوا۟ مَعَ ٱللَّهِ إِلَـٰهًا ءَاخَرَۖ إِنِّی لَكُم مِّنۡهُ نَذِیرࣱ مُّبِینࣱ 51
51:51 Алла менен бирге (өзүңөргө) башка кудай тутпагыла! Мен Андан силер үчүн ачык эскертүүчүмүн.
كَذَ ٰلِكَ مَاۤ أَتَى ٱلَّذِینَ مِن قَبۡلِهِم مِّن رَّسُولٍ إِلَّا قَالُوا۟ سَاحِرٌ أَوۡ مَجۡنُونٌ 52
51:52 Алардан (Мекке мушриктерден) мурунку өткөндөргө да (коомдорго) пайгамбар келсе, аны: “Сыйкырчы же жинди”, – дешкен.
أَتَوَاصَوۡا۟ بِهِۦۚ بَلۡ هُمۡ قَوۡمࣱ طَاغُونَ 53
51:53 Алар бири-бирине («пайгамбарды укпагыла» деп) осуят калтырышты беле? Жок! (Андай эмес) алар чектен чыккан коом.
فَتَوَلَّ عَنۡهُمۡ فَمَاۤ أَنتَ بِمَلُومࣲ 54
51:54 (О, Мухаммад), сен алардан жүзүңдү бур! (Алардын күнөөгө батканы үчүн) сен айыптуу эмессиң.
وَذَكِّرۡ فَإِنَّ ٱلذِّكۡرَىٰ تَنفَعُ ٱلۡمُؤۡمِنِینَ 55
51:55 Бирок эскерте бергин. Анткени, эскертүү ыймандууларга пайда берет.
وَمَا خَلَقۡتُ ٱلۡجِنَّ وَٱلۡإِنسَ إِلَّا لِیَعۡبُدُونِ 56
51:56 Мен жин жана инсанды Бир Өзүмө ибадат кылуулары үчүн гана жараттым.
مَاۤ أُرِیدُ مِنۡهُم مِّن رِّزۡقࣲ وَمَاۤ أُرِیدُ أَن یُطۡعِمُونِ 57
51:57 Мен алардан (эч кандай) ырыскы да, Мени азыктандыруусун да каалабаймын.
إِنَّ ٱللَّهَ هُوَ ٱلرَّزَّاقُ ذُو ٱلۡقُوَّةِ ٱلۡمَتِینُ 58
51:58 Аныгында Алла – ырыскы Берүүчү жана Ал Күч-кубаттын Ээси.
فَإِنَّ لِلَّذِینَ ظَلَمُوا۟ ذَنُوبࣰا مِّثۡلَ ذَنُوبِ أَصۡحَـٰبِهِمۡ فَلَا یَسۡتَعۡجِلُونِ 59
51:59 Эми, зулум кылган адамдарга болсо, өздөрүнүн (мурунку замандардагы) шериктеринин азабына окшош (түбөлүк) азап бар. (Ал азапты) шаштырбай турушсун!
فَوَیۡلࣱ لِّلَّذِینَ كَفَرُوا۟ مِن یَوۡمِهِمُ ٱلَّذِی یُوعَدُونَ 60
51:60 Каапыр адамдар үчүн аларга убада кылынган күндө (Кыяматта) азап болсун!