Алла Таала аялды назик, жүрөгүн мээрим жана сүйүүгө толтуруп, жаратканы чындык эмеспи?
Бирок, өкүнүчтүүсү көпчүлүк аялдар өз табиятыбыздан жат нерселерди кылгандыктан назиктигибизден, ажарлуу, мээримдүүлүгүбүздөн айрылып калат экенбиз.
Аларды сактоо үчүн алгач жүрөгүбүздү бүт таштандылардан тазалап чыгуубуз зарыл. Жүрөк ыпласка толуп кеткени үчүн аңдабай бирөлөрдү гыйбат, ушак кылып акыларына киребиз. Ойлорубуз чаржайыт, бузуку болуп, дароо инсандар тууралуу жаман күмөнгө бата калабыз.
Анан кайдагы бизде ажарлуулук?
Сырткы жагыбызды эле жасалмалай бергенден пайда жок. Алгач, ички жан-дүйнө менен иштөө керек. Жан дүйнөң таза болсо, Алла бөтөн инсандарга сизге болгон сый-урмат сүйүүнү салып коет.
Албетте, жүрөгүбүздү тообо, зикир, дуа менен тазалайбыз.
Ойлорубузга өзүбүз ээ болуп тарбияны колго алып, бирөөлөр тууралуу жаман ой келгенде токтотуп, дароо жакшы күмөнгө алмаштыруубуз зарыл. Ошондо ыйманга мээнет башталат.
Динибиз эмнени буйруса баш ийип, Алланын ыраазычылыгына умтулуп, айлана-чөйрөбүздөгү адамдарга татыктуу тарбия берүүгө ашынсак жашоодогу жеңишибиз ошол болот.
Макаланы жазган: Айтикул кызы Апал