سُورَةُ الوَاقِعَةِ
﷽
Мээримдүү, Ырайымдуу Алланын аты менен!إِذَا وَقَعَتِ ٱلۡوَاقِعَةُ 1
56:1 (Кыяматтык) окуя болгондо,…
لَیۡسَ لِوَقۡعَتِهَا كَاذِبَةٌ 2
56:2 Анын болуусун эч ким «жалган» дей албайт.
خَافِضَةࣱ رَّافِعَةٌ 3
56:3 Ал төмөндөтүүчү, бийиктетүүчү.
إِذَا رُجَّتِ ٱلۡأَرۡضُ رَجࣰّا 4
56:4 Жер катуу силкинген кезде…
وَبُسَّتِ ٱلۡجِبَالُ بَسࣰّا 5
56:5 Тоолор да талкаланып,
فَكَانَتۡ هَبَاۤءࣰ مُّنۢبَثࣰّا 6
56:6 Учкан тозоң болгон кезде…
وَكُنتُمۡ أَزۡوَ ٰجࣰا ثَلَـٰثَةࣰ 7
56:7 Ошондо силер үч топко бөлүнөсүңөр.
فَأَصۡحَـٰبُ ٱلۡمَیۡمَنَةِ مَاۤ أَصۡحَـٰبُ ٱلۡمَیۡمَنَةِ 8
56:8 Оң кол ээлери… «Оң кол ээлери» болуу кандай жакшы?
وَأَصۡحَـٰبُ ٱلۡمَشۡـَٔمَةِ مَاۤ أَصۡحَـٰبُ ٱلۡمَشۡـَٔمَةِ 9
56:9 Сол кол ээлери… «Сол кол ээлери» болуу кандай жаман?
وَٱلسَّـٰبِقُونَ ٱلسَّـٰبِقُونَ 10
56:10 Озгондор – Озуучулар.
أُو۟لَـٰۤىِٕكَ ٱلۡمُقَرَّبُونَ 11
56:11 Алар – (Аллага) жакын болгондор.
فِی جَنَّـٰتِ ٱلنَّعِیمِ 12
56:12 Алар «Наим» бейиштерде болушат.
ثُلَّةࣱ مِّنَ ٱلۡأَوَّلِینَ 13
56:13 (Наим бейишине) абалкы момундардан көбүрөөк жамааттар,
وَقَلِیلࣱ مِّنَ ٱلۡـَٔاخِرِینَ 14
56:14 Акыркылардан азыраак жамааттар (түшөт).
عَلَىٰ سُرُرࣲ مَّوۡضُونَةࣲ 15
56:15 Алар (асыл таштар аралаш) токулган сөрүлөрдө
مُّتَّكِـِٔینَ عَلَیۡهَا مُتَقَـٰبِلِینَ 16
56:16 Үстүндө жөлөнгөн абалда бетме бет олтурушат.
یَطُوفُ عَلَیۡهِمۡ وِلۡدَ ٰنࣱ مُّخَلَّدُونَ 17
56:17 (Алардын кызматында) түбөлүк жаш жигиттер тегеренип жүрүшөт,
بِأَكۡوَابࣲ وَأَبَارِیقَ وَكَأۡسࣲ مِّن مَّعِینࣲ 18
56:18 Агып турган шараптан (толтурулган) чөйчөк, кумура жана чыны менен.
لَّا یُصَدَّعُونَ عَنۡهَا وَلَا یُنزِفُونَ 19
56:19 Ал (шараптан) алардын башы оорубайт жана мас болушпайт
وَفَـٰكِهَةࣲ مِّمَّا یَتَخَیَّرُونَ 20
56:20 Каалаган жемиши (болот),
وَلَحۡمِ طَیۡرࣲ مِّمَّا یَشۡتَهُونَ 21
56:21 табити каалаган (ар түрдүү, бышкан) куш эттери менен (тегеренип жүрүшөт).
وَحُورٌ عِینࣱ 22
56:22 (алар үчүн) ботокөз үр кыздар (бар),
كَأَمۡثَـٰلِ ٱللُّؤۡلُوِٕ ٱلۡمَكۡنُونِ 23
56:23 Сакталган бермет сыяктуу.
جَزَاۤءَۢ بِمَا كَانُوا۟ یَعۡمَلُونَ 24
56:24 Жасаган (сооп) иштеринин сыйлыгына!
لَا یَسۡمَعُونَ فِیهَا لَغۡوࣰا وَلَا تَأۡثِیمًا 25
56:25 Алар (бейишилер) ал жерде бузуку, күнөө (болуучу) сөз угушпайт.
إِلَّا قِیلࣰا سَلَـٰمࣰا سَلَـٰمࣰا 26
56:26 Бирок «Тынчтык!», «Тынчтык!» – деген сөздү гана (угушат).
وَأَصۡحَـٰبُ ٱلۡیَمِینِ مَاۤ أَصۡحَـٰبُ ٱلۡیَمِینِ 27
56:27 Оң кол ээлери. «Оң кол ээлери» болуу кандай жакшы?
فِی سِدۡرࣲ مَّخۡضُودࣲ 28
56:28 Тикенсиз (“Сидр”) дарактардын арасында.
وَطَلۡحࣲ مَّنضُودࣲ 29
56:29 жемиштери үстү-үстүнө үйүлгөн банан дарагы.
وَظِلࣲّ مَّمۡدُودࣲ 30
56:30 (Алар) кенен жайылган көлөкө астында,
وَمَاۤءࣲ مَّسۡكُوبࣲ 31
56:31 (Шар) аккан суулар(дын боюн)да,
وَفَـٰكِهَةࣲ كَثِیرَةࣲ 32
56:32 Көп мөмө-жемиштердин ичинде –
لَّا مَقۡطُوعَةࣲ وَلَا مَمۡنُوعَةࣲ 33
56:33 (Алар) түгөнгүс жана тыюу салынбаган…
وَفُرُشࣲ مَّرۡفُوعَةٍ 34
56:34 Өйдө көтөрүлгөн (жумшак, жибек) төшөктөрдө (олтурушат).
إِنَّاۤ أَنشَأۡنَـٰهُنَّ إِنشَاۤءࣰ 35
56:35 Биз аларды (Бейиштеги үр кыздарды) өзгөчө жаратуу менен жараттык.
فَجَعَلۡنَـٰهُنَّ أَبۡكَارًا 36
56:36 Биз аларды кыз абалында (бикир) калтырдык.
عُرُبًا أَتۡرَابࣰا 37
56:37 Бир тегиз куракта жана өтө сүймөнчүк (назик) кылып койдук,
لِّأَصۡحَـٰبِ ٱلۡیَمِینِ 38
56:38 оң тарап ээлери үчүн.
ثُلَّةࣱ مِّنَ ٱلۡأَوَّلِینَ 39
56:39 Алар (оң тарап ээлери) абалкылардан көп жамааттар.
وَثُلَّةࣱ مِّنَ ٱلۡـَٔاخِرِینَ 40
56:40 Акыркылардан азыраак жамааттар.
وَأَصۡحَـٰبُ ٱلشِّمَالِ مَاۤ أَصۡحَـٰبُ ٱلشِّمَالِ 41
56:41 Сол кол ээлери… «Сол кол ээлери» болуу кандай жаман?
فِی سَمُومࣲ وَحَمِیمࣲ 42
56:42 Алар «самум» (Тозоктун ысык шамалы) менен «хамимдин (кайнак суунун)» ичинде (калышат),
وَظِلࣲّ مِّن یَحۡمُومࣲ 43
56:43 Карарган түтүн көлөкөдө (олтурушат),
لَّا بَارِدࣲ وَلَا كَرِیمٍ 44
56:44 Анын салкыны да жок, көркү да жок.
إِنَّهُمۡ كَانُوا۟ قَبۡلَ ذَ ٰلِكَ مُتۡرَفِینَ 45
56:45 Алар мурда(гы жашоосунда) ырахатта болушкан эле.
وَكَانُوا۟ یُصِرُّونَ عَلَى ٱلۡحِنثِ ٱلۡعَظِیمِ 46
56:46 Көктүк кылып, чоң күнөөгө батышкан.
وَكَانُوا۟ یَقُولُونَ أَىِٕذَا مِتۡنَا وَكُنَّا تُرَابࣰا وَعِظَـٰمًا أَءِنَّا لَمَبۡعُوثُونَ 47
56:47 Алар: «Эгер биз өлүп, топуракка жана сөөккө айланган соң, кайра тирилебизби?» – деп айтышкан.
أَوَءَابَاۤؤُنَا ٱلۡأَوَّلُونَ 48
56:48 Ата-бабаларыбыз дагы (кайра тирилет бекен?)» – дешкен.
قُلۡ إِنَّ ٱلۡأَوَّلِینَ وَٱلۡـَٔاخِرِینَ 49
56:49 Айткын: «Чындыгында, мурункулар да, кийинкилер да
لَمَجۡمُوعُونَ إِلَىٰ مِیقَـٰتِ یَوۡمࣲ مَّعۡلُومࣲ 50
56:50 Маалым болгон Күндө белгилүү орунга сөзсүз чогулушат.
ثُمَّ إِنَّكُمۡ أَیُّهَا ٱلضَّاۤلُّونَ ٱلۡمُكَذِّبُونَ 51
56:51 Кийин, эй, акыретти «жалган» деп адашкандар,
لَـَٔاكِلُونَ مِن شَجَرࣲ مِّن زَقُّومࣲ 52
56:52 Сөзсүз, Заккум аттуу дарактан жейсиңер.
فَمَالِـُٔونَ مِنۡهَا ٱلۡبُطُونَ 53
56:53 Аны менен курсагыңарды толтурасыңар.
فَشَـٰرِبُونَ عَلَیۡهِ مِنَ ٱلۡحَمِیمِ 54
56:54 Анын үстүнөн кайнак суу ичесиңер.
فَشَـٰرِبُونَ شُرۡبَ ٱلۡهِیمِ 55
56:55 Абдан суусаган төөлөрдөй ичесиңер.
هَـٰذَا نُزُلُهُمۡ یَوۡمَ ٱلدِّینِ 56
56:56 Бул – Алардын Кыяматтагы («сый тамагы») орду – ушул!
نَحۡنُ خَلَقۡنَـٰكُمۡ فَلَوۡلَا تُصَدِّقُونَ 57
56:57 (О, инсандар!) Биз силерди жараттык: Эмне үчүн (Акыйкатты) мойунуңарга албайсыңар?
أَفَرَءَیۡتُم مَّا تُمۡنُونَ 58
56:58 Өзүңөр агызган бел суу жөнүндө ойлоп көрдүңөрбү?!
ءَأَنتُمۡ تَخۡلُقُونَهُۥۤ أَمۡ نَحۡنُ ٱلۡخَـٰلِقُونَ 59
56:59 Аны (адам кылып) өзүңөр жаратып аласыңарбы же биз жаратабызбы?!
نَحۡنُ قَدَّرۡنَا بَیۡنَكُمُ ٱلۡمَوۡتَ وَمَا نَحۡنُ بِمَسۡبُوقِینَ 60
56:60 Силердин араңардагы өлүмдү да Биз тагдыр кылганбыз жана Бизден эч ким озо албайт!
عَلَىٰۤ أَن نُّبَدِّلَ أَمۡثَـٰلَكُمۡ وَنُنشِئَكُمۡ فِی مَا لَا تَعۡلَمُونَ 61
56:61 Силерге окшогондорду (кыйратып, башка элге) алмаштырууга жана (Кыяматта) силерге белгисиз абалда кайра жарата алабыз!
وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ 62
56:62 Билесиңерго, (Алла жасаган) абалкы жаратууну. Эсиңерге келбейсиңерби?
أَفَرَءَیۡتُم مَّا تَحۡرُثُونَ 63
56:63 Эмнени эгип атканыңарды – көрүп атасыңарбы?
ءَأَنتُمۡ تَزۡرَعُونَهُۥۤ أَمۡ نَحۡنُ ٱلزَّ ٰرِعُونَ 64
56:64 Аны силер өстүрөсүңөрбү же Өстүрүүчү Бизби?
لَوۡ نَشَاۤءُ لَجَعَلۡنَـٰهُ حُطَـٰمࣰا فَظَلۡتُمۡ تَفَكَّهُونَ 65
56:65 Эгер кааласак Биз аны кууратып коймокбуз. Анан силер таңыркаган бойдон кайгырып:
إِنَّا لَمُغۡرَمُونَ 66
56:66 «Чындыгында биз зыянга учурадык!»
بَلۡ نَحۡنُ مَحۡرُومُونَ 67
56:67 (Ырыскыдан) кол жууп калдык!» – демексиңер.
أَفَرَءَیۡتُمُ ٱلۡمَاۤءَ ٱلَّذِی تَشۡرَبُونَ 68
56:68 Ичип жаткан сууңарга карабайсыңарбы:
ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ 69
56:69 Аны булут арасынан силер түшүрдүңөрбү же Биз түшүрдүкпү?!
لَوۡ نَشَاۤءُ جَعَلۡنَـٰهُ أُجَاجࣰا فَلَوۡلَا تَشۡكُرُونَ 70
56:70 Эгер кааласак Биз аны туздуу кылып коймокбуз. Шүгүр кылбайсыңарбы?!
أَفَرَءَیۡتُمُ ٱلنَّارَ ٱلَّتِی تُورُونَ 71
56:71 Өзүңөр жагып жаткан отко байкоо салдыңарбы?
ءَأَنتُمۡ أَنشَأۡتُمۡ شَجَرَتَهَاۤ أَمۡ نَحۡنُ ٱلۡمُنشِـُٔونَ 72
56:72 Анын (отун болгон) дарагын өзүңөр жаратып алдыңарбы же Биз жаратып бердикби?!
نَحۡنُ جَعَلۡنَـٰهَا تَذۡكِرَةࣰ وَمَتَـٰعࣰا لِّلۡمُقۡوِینَ 73
56:73 Аны Биз эскертүү жана Жолоочуга пайдалуу кылдык.
فَسَبِّحۡ بِٱسۡمِ رَبِّكَ ٱلۡعَظِیمِ 74
56:74 Улуу Роббиңдин ысмын аруула!
۞ فَلَاۤ أُقۡسِمُ بِمَوَ ٰقِعِ ٱلنُّجُومِ 75
56:75 Мен жылдыздардын (баткандагы жана чыккандагы) орду менен ант ичемин!
وَإِنَّهُۥ لَقَسَمࣱ لَّوۡ تَعۡلَمُونَ عَظِیمٌ 76
56:76 Эгер билсеңер, бул, чындыгында – Улуу ант!
إِنَّهُۥ لَقُرۡءَانࣱ كَرِیمࣱ 77
56:77 Албетте, бул – Ыйык Куран.
فِی كِتَـٰبࣲ مَّكۡنُونࣲ 78
56:78 (Ал) – Китепте сакталган.
لَّا یَمَسُّهُۥۤ إِلَّا ٱلۡمُطَهَّرُونَ 79
56:79 Аны (Куранды) таза адамдар гана кармайт.
تَنزِیلࣱ مِّن رَّبِّ ٱلۡعَـٰلَمِینَ 80
56:80 Ал – ааламдардын Роббиси тарабынан түшүрүлгөн.
أَفَبِهَـٰذَا ٱلۡحَدِیثِ أَنتُم مُّدۡهِنُونَ 81
56:81 Силер улук Сөздү кордоп, жалганга чыгарасыңарбы?!
وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ 82
56:82 Аны «жалган» деп, четке кагууну өнөр-ырыскы кылып аласыңарбы?
فَلَوۡلَاۤ إِذَا بَلَغَتِ ٱلۡحُلۡقُومَ 83
56:83 (Эгер бир жакыныңардын) жан(ы) алкымга келсе,
وَأَنتُمۡ حِینَىِٕذࣲ تَنظُرُونَ 84
56:84 Ал учурда силер (колуңардан эч нерсе келбей) карап турасыңар.
وَنَحۡنُ أَقۡرَبُ إِلَیۡهِ مِنكُمۡ وَلَـٰكِن لَّا تُبۡصِرُونَ 85
56:85 Биз силерге караганда ага жакыныраакпыз. Бирок силер аларды көрбөйсүңөр.
فَلَوۡلَاۤ إِن كُنتُمۡ غَیۡرَ مَدِینِینَ 86
56:86 Эгер силер (өлбөс жана) эсеп бербес болсоңор,
تَرۡجِعُونَهَاۤ إِن كُنتُمۡ صَـٰدِقِینَ 87
56:87 Айтканыңар чын болсо, аны (алкымына келген) жанды кайтарып бергилечи!
فَأَمَّاۤ إِن كَانَ مِنَ ٱلۡمُقَرَّبِینَ 88
56:88 эгер (жаны алкымга келген) адам алдыңкылардан болсо,
فَرَوۡحࣱ وَرَیۡحَانࣱ وَجَنَّتُ نَعِیمࣲ 89
56:89 Ага – ырахаттуу жыргал, жакшы даам жана сыйлуу бакчалар (даяр).
وَأَمَّاۤ إِن كَانَ مِنۡ أَصۡحَـٰبِ ٱلۡیَمِینِ 90
56:90 Ал эми оң тарап ээлеринен бири болсо,
فَسَلَـٰمࣱ لَّكَ مِنۡ أَصۡحَـٰبِ ٱلۡیَمِینِ 91
56:91 Оң тарап ээлерине: «Тынчтык!» (деп айтылат).
وَأَمَّاۤ إِن كَانَ مِنَ ٱلۡمُكَذِّبِینَ ٱلضَّاۤلِّینَ 92
56:92 Эгерде ал адашкан жана (Куранды) «жалган» дегендерден болсо,
فَنُزُلࣱ مِّنۡ حَمِیمࣲ 93
56:93 Анын сыйы – кайнак суу,
وَتَصۡلِیَةُ جَحِیمٍ 94
56:94 (ал) Тозокко ташталат.
إِنَّ هَـٰذَا لَهُوَ حَقُّ ٱلۡیَقِینِ 95
56:95 Албетте, бул (айтылгандар) – шексиз Чындык!
فَسَبِّحۡ بِٱسۡمِ رَبِّكَ ٱلۡعَظِیمِ 96
56:96 Демек, Улук Роббиңдин ысымын (ар убак) аруулагын!