سُورَةُ المُرۡسَلَاتِ
﷽
Мээримдүү, Ырайымдуу Алланын аты менен!وَٱلۡمُرۡسَلَـٰتِ عُرۡفࣰا 1
77:1 Удаа-удаа жиберилген шамалдарга ант!
فَٱلۡعَـٰصِفَـٰتِ عَصۡفࣰا 2
77:2 Катуу бороондорго ант!
وَٱلنَّـٰشِرَ ٰتِ نَشۡرࣰا 3
77:3 Чар тарапка жайылтуучуларга ант!
فَٱلۡفَـٰرِقَـٰتِ فَرۡقࣰا 4
77:4 Даана ажыратып берүүчүлөргө ант!
فَٱلۡمُلۡقِیَـٰتِ ذِكۡرًا 5
77:5 Эскертмени алып келүүчүлөргө ант!
عُذۡرًا أَوۡ نُذۡرًا 6
77:6 (Периштелердин вахий алып келүүсү, чынчылдарга) үзүр-кечирим, (бузукуларга) эскертүү болушу үчүн.
إِنَّمَا تُوعَدُونَ لَوَ ٰقِعࣱ 7
77:7 Силерге убада кылынган нерселер жакында сөзсүз болот:
فَإِذَا ٱلنُّجُومُ طُمِسَتۡ 8
77:8 Жылдыздар караңгылап өчкөн кезде;
وَإِذَا ٱلسَّمَاۤءُ فُرِجَتۡ 9
77:9 Асман жарылган кезде;
وَإِذَا ٱلۡجِبَالُ نُسِفَتۡ 10
77:10 Тоолор чаң-тозоңго айланган кезде;
وَإِذَا ٱلرُّسُلُ أُقِّتَتۡ 11
77:11 Пайгамбарларга мөөнөт так белгиленген кезде.
لِأَیِّ یَوۡمٍ أُجِّلَتۡ 12
77:12 (Пенделердин сот-сурагы) кайсы күнгө белгиленген эле?
لِیَوۡمِ ٱلۡفَصۡلِ 13
77:13 Ажырап-бөлүнүү күнүнө чейин.
وَمَاۤ أَدۡرَىٰكَ مَا یَوۡمُ ٱلۡفَصۡلِ 14
77:14 (О, Мухаммад) сен ажыратуу күнү кандай күн экенин билесиңби?
وَیۡلࣱ یَوۡمَىِٕذࣲ لِّلۡمُكَذِّبِینَ 15
77:15 (Чындыкты) жалган дегендерге – ал Күнү азап болсун!
أَلَمۡ نُهۡلِكِ ٱلۡأَوَّلِینَ 16
77:16 Биз (силерден) мурункуларды да жок кылган эмес белек?!
ثُمَّ نُتۡبِعُهُمُ ٱلۡـَٔاخِرِینَ 17
77:17 Анан, алардан кийинкилерин да (коомдорду) жок кылбадыкпы?
كَذَ ٰلِكَ نَفۡعَلُ بِٱلۡمُجۡرِمِینَ 18
77:18 Биз күнөөкөрлөрдү мына ушундай кылабыз.
وَیۡلࣱ یَوۡمَىِٕذࣲ لِّلۡمُكَذِّبِینَ 19
77:19 Жалган дегендерге – ал Күнү азап болсун!
أَلَمۡ نَخۡلُقكُّم مِّن مَّاۤءࣲ مَّهِینࣲ 20
77:20 (О, кайра тирилүүнү «жалган» дегендер!) Биз силерди жийиркеничтүү (бир тамчы бел) суудан жаратпадык беле?!
فَجَعَلۡنَـٰهُ فِی قَرَارࣲ مَّكِینٍ 21
77:21 Анан ал “сууну” бекем жайга (эненин жатынына) орноштордук,
إِلَىٰ قَدَرࣲ مَّعۡلُومࣲ 22
77:22 белгилүү бир убакытка чейин.
فَقَدَرۡنَا فَنِعۡمَ ٱلۡقَـٰدِرُونَ 23
77:23 Биз (ошол бел сууну оболу коюу кан, анан бир бөлүк эт, андан кийин сөөк, андан кийин кадыресе адам кылып жаратууга) кудуреттүү болдук. Биз эң жакшы Кудуреттүүбүз!
وَیۡلࣱ یَوۡمَىِٕذࣲ لِّلۡمُكَذِّبِینَ 24
77:24 Жалган дегендерге – ал Күндө азап болсун!
أَلَمۡ نَجۡعَلِ ٱلۡأَرۡضَ كِفَاتًا 25
77:25 Биз Жерди топтоочу орун кылбадыкпы
أَحۡیَاۤءࣰ وَأَمۡوَ ٰتࣰا 26
77:26 Тирүүлөрдү жана өлүктөрдү.
وَجَعَلۡنَا فِیهَا رَوَ ٰسِیَ شَـٰمِخَـٰتࣲ وَأَسۡقَیۡنَـٰكُم مَّاۤءࣰ فُرَاتࣰا 27
77:27 Биз жер бетине (аны бекем сактоо үчүн) үлкөн тоолорду жараттык. Ошондой эле силерди (мөңгүлөрдөн агып келүүчү) таттуу суу(лар) менен сугардык.
وَیۡلࣱ یَوۡمَىِٕذࣲ لِّلۡمُكَذِّبِینَ 28
77:28 Жалган дегендерге – ал Күндө азап болсун!
ٱنطَلِقُوۤا۟ إِلَىٰ مَا كُنتُم بِهِۦ تُكَذِّبُونَ 29
77:29 Өзүңөр жалган дегениңерге барып көргүлөчү!
ٱنطَلِقُوۤا۟ إِلَىٰ ظِلࣲّ ذِی ثَلَـٰثِ شُعَبࣲ 30
77:30 Үч бөлүк болуп түтүндөгөн көлөкөгө баргыла,
لَّا ظَلِیلࣲ وَلَا یُغۡنِی مِنَ ٱللَّهَبِ 31
77:31 алар көлөкө да кылбайт жана (тозоктогу) жалындан да коргой албайт.
إِنَّهَا تَرۡمِی بِشَرَرࣲ كَٱلۡقَصۡرِ 32
77:32 Ал (тозок) сарай сыяктуу (үлкөн) учкундарды атып турат!
كَأَنَّهُۥ جِمَـٰلَتࣱ صُفۡرࣱ 33
77:33 сары түстүү төөлөр өңдүү.
وَیۡلࣱ یَوۡمَىِٕذࣲ لِّلۡمُكَذِّبِینَ 34
77:34 Жалган дегендерге – ал Күндө азап болсун!
هَـٰذَا یَوۡمُ لَا یَنطِقُونَ 35
77:35 Алар ал Күндө ооз ачып сүйлөй албайт.
وَلَا یُؤۡذَنُ لَهُمۡ فَیَعۡتَذِرُونَ 36
77:36 Аларга сүйлөөгө да уруксат берилбейт.
وَیۡلࣱ یَوۡمَىِٕذࣲ لِّلۡمُكَذِّبِینَ 37
77:37 Жалган дегендерге – ал Күндө азап болсун!
هَـٰذَا یَوۡمُ ٱلۡفَصۡلِۖ جَمَعۡنَـٰكُمۡ وَٱلۡأَوَّلِینَ 38
77:38 Бул – ажыратуу Күнү! Силерди да, абалкыларды да (сот-сурак үчүн ) чогулттук.
فَإِن كَانَ لَكُمۡ كَیۡدࣱ فَكِیدُونِ 39
77:39 Эгер силердин – айла-амалыңар болсо, анда Мага айлаңарды көрсөткүлө.
وَیۡلࣱ یَوۡمَىِٕذࣲ لِّلۡمُكَذِّبِینَ 40
77:40 Жалган дегендерге – ал Күндө азап болсун!
إِنَّ ٱلۡمُتَّقِینَ فِی ظِلَـٰلࣲ وَعُیُونࣲ 41
77:41 Акыйкатта такыбалар көлөкөлөрдө жана булактарда болушат,
وَفَوَ ٰكِهَ مِمَّا یَشۡتَهُونَ 42
77:42 каалаган мөмө-жемиштердин арасында болушат,
كُلُوا۟ وَٱشۡرَبُوا۟ هَنِیۤـَٔۢا بِمَا كُنتُمۡ تَعۡمَلُونَ 43
77:43 (Аларга айтылат:) «Жегиле, ичкиле, аш болсун! (Бул зыяпат сооп) иштерди жасаганыңар үчүн!»
إِنَّا كَذَ ٰلِكَ نَجۡزِی ٱلۡمُحۡسِنِینَ 44
77:44 Биз жакшы иш жасагандарды мына ушинтип сыйлайбыз.
وَیۡلࣱ یَوۡمَىِٕذࣲ لِّلۡمُكَذِّبِینَ 45
77:45 Жалган дегендерге – ал Күнү азап болсун!
كُلُوا۟ وَتَمَتَّعُوا۟ قَلِیلًا إِنَّكُم مُّجۡرِمُونَ 46
77:46 (О, Кыяматты «жалган» деген каапырлар! Дүйнөдө) бир аз пайданалып, жеп-ичип калгыла! Силер кылмышкер адамсыңар!
وَیۡلࣱ یَوۡمَىِٕذࣲ لِّلۡمُكَذِّبِینَ 47
77:47 Жалган дегендерге – ал Күнү азап болсун!
وَإِذَا قِیلَ لَهُمُ ٱرۡكَعُوا۟ لَا یَرۡكَعُونَ 48
77:48 “Кудайга жүгүнгүлө”, – деп айтылганда алар жүгүнө алышпайт.
وَیۡلࣱ یَوۡمَىِٕذࣲ لِّلۡمُكَذِّبِینَ 49
77:49 Жалган дегендерге – ал Күндө азап болсун!
فَبِأَیِّ حَدِیثِۭ بَعۡدَهُۥ یُؤۡمِنُونَ 50
77:50 Алар андан (Курандан) соң башка дагы кайсы сөзгө ишенишет?!