سُورَةُ الطَّارِقِ
﷽
Мээримдүү, Ырайымдуу Алланын аты менен!وَٱلسَّمَاۤءِ وَٱلطَّارِقِ 1
86:1 Асманга жана анда жылган таңкы жылдызга ант!
وَمَاۤ أَدۡرَىٰكَ مَا ٱلطَّارِقُ 2
86:2 (О, Мухаммад) сен түндө келүүчү (Таарик) эмне экенин билбейсиң.
ٱلنَّجۡمُ ٱلثَّاقِبُ 3
86:3 Ал балбылдаган жарык жылдыз.
إِن كُلُّ نَفۡسࣲ لَّمَّا عَلَیۡهَا حَافِظࣱ 4
86:4 Жанында (жазып туруучу) көзөмөлдөөчү болбогон бир да жан жок.
فَلۡیَنظُرِ ٱلۡإِنسَـٰنُ مِمَّ خُلِقَ 5
86:5 Инсан өзүнүн эмнеден жаралганына карап көрсүнчү!
خُلِقَ مِن مَّاۤءࣲ دَافِقࣲ 6
86:6 Ал атырылган суудан жаратылган.
یَخۡرُجُ مِنۢ بَیۡنِ ٱلصُّلۡبِ وَٱلتَّرَاۤىِٕبِ 7
86:7 Бел жана көкүрөк арасынан чыккан.
إِنَّهُۥ عَلَىٰ رَجۡعِهِۦ لَقَادِرࣱ 8
86:8 Акыйкатта, Ал (Алла) аны (экинчи ирет дагы жашоого) кайтарууга Кудуреттүү!
یَوۡمَ تُبۡلَى ٱلسَّرَاۤىِٕرُ 9
86:9 Бардык сырлар ачылып сыналган Күнү.
فَمَا لَهُۥ مِن قُوَّةࣲ وَلَا نَاصِرࣲ 10
86:10 Ал Күнү ага эч бир кудурет жана эч бир жардам берүүчү болбойт!
وَٱلسَّمَاۤءِ ذَاتِ ٱلرَّجۡعِ 11
86:11 Жаан төккөн асманга ант!
وَٱلۡأَرۡضِ ذَاتِ ٱلصَّدۡعِ 12
86:12 Көөп-жарылган жерге ант!
إِنَّهُۥ لَقَوۡلࣱ فَصۡلࣱ 13
86:13 Акыйкатта, бул (Куран) ажыратуучу сөз.
وَمَا هُوَ بِٱلۡهَزۡلِ 14
86:14 Ал эч кандай азил сөз эмес!
إِنَّهُمۡ یَكِیدُونَ كَیۡدࣰا 15
86:15 Алар (каапырлар динге каршы) амалкөйлүк, куулук кылышат.
وَأَكِیدُ كَیۡدࣰا 16
86:16 Мен да аларга амалкөйлүк көргөзөм.
فَمَهِّلِ ٱلۡكَـٰفِرِینَ أَمۡهِلۡهُمۡ رُوَیۡدَۢا 17
86:17 Эми, сен (О, Мухаммад) каапырларды кое тур. Аларга бир аз гана мөөнөт бер.