سُورَةُ الأَعۡلَىٰ
﷽
Мээримдүү, Ырайымдуу Алланын аты менен!سَبِّحِ ٱسۡمَ رَبِّكَ ٱلۡأَعۡلَى 1
87:1 Жогору даражалуу Роббиңдин атын аруула!
ٱلَّذِی خَلَقَ فَسَوَّىٰ 2
87:2 Ал баарын жараткан жана тең кылган.
وَٱلَّذِی قَدَّرَ فَهَدَىٰ 3
87:3 Ал баарын өлчөп жана багыттап койгон.
وَٱلَّذِیۤ أَخۡرَجَ ٱلۡمَرۡعَىٰ 4
87:4 Ал (эрте жазда жерден ар түрдүү) өсүмдүктү чыгарып,
فَجَعَلَهُۥ غُثَاۤءً أَحۡوَىٰ 5
87:5 Андан соң Ал аны карарган куурайга айландырат.
سَنُقۡرِئُكَ فَلَا تَنسَىٰۤ 6
87:6 (О, Мухаммад), Биз сага (Куранды) окутабыз. Анан сен эч унутпайсың,
إِلَّا مَا شَاۤءَ ٱللَّهُۚ إِنَّهُۥ یَعۡلَمُ ٱلۡجَهۡرَ وَمَا یَخۡفَىٰ 7
87:7 Бирок, Алла (унуттурууну) каалаган нерселерди гана унутасың. Ал чынында, ашкере жана купуя нерселерди билет.
وَنُیَسِّرُكَ لِلۡیُسۡرَىٰ 8
87:8 Биз сага оңой жолду жеңил кылып беребиз.
فَذَكِّرۡ إِن نَّفَعَتِ ٱلذِّكۡرَىٰ 9
87:9 Эгер эскертүү пайдалуу болсо, анда эскерткин.
سَیَذَّكَّرُ مَن یَخۡشَىٰ 10
87:10 (Насаатты) Алладан корккон адамдар гана эсине алышат.
وَیَتَجَنَّبُهَا ٱلۡأَشۡقَى 11
87:11 Ал эми эскертүүдөн бактысыз гана баш тартат.
ٱلَّذِی یَصۡلَى ٱلنَّارَ ٱلۡكُبۡرَىٰ 12
87:12 Ал Акыреттеги алоолонгон чоң отто күйөт.
ثُمَّ لَا یَمُوتُ فِیهَا وَلَا یَحۡیَىٰ 13
87:13 Ал анда (тозокто) өлүп да калбайт (же) тирүү жашап да калбайт.
قَدۡ أَفۡلَحَ مَن تَزَكَّىٰ 14
87:14 Ким (ыйман менен) тазарган болсо, ал ийгиликке жетти!
وَذَكَرَ ٱسۡمَ رَبِّهِۦ فَصَلَّىٰ 15
87:15 Роббисинин атын эстеп, анан намаз окуса.
بَلۡ تُؤۡثِرُونَ ٱلۡحَیَوٰةَ ٱلدُّنۡیَا 16
87:16 Силер (эй, каапырлар!) дүйнө жашоосун (Акыреттен) жогору коесуңар!
وَٱلۡـَٔاخِرَةُ خَیۡرࣱ وَأَبۡقَىٰۤ 17
87:17 Бирок, Акырет (жашоосу) жакшы жана түбөлүк!
إِنَّ هَـٰذَا لَفِی ٱلصُّحُفِ ٱلۡأُولَىٰ 18
87:18 Акыйкатта, бул (айтылгандар) мурунку барактарда да бар.
صُحُفِ إِبۡرَ ٰهِیمَ وَمُوسَىٰ 19
87:19 Ибрахим менен Мусанын барактарында.