88 – Гаашийа

سُورَةُ الغَاشِيَةِ

Мээримдүү, Ырайымдуу Алланын аты менен!

هَلۡ أَتَىٰكَ حَدِیثُ ٱلۡغَـٰشِیَةِ 1

88:1 (О, Мухаммад!) сага Ороп алуучунун кабары келдиби?


وُجُوهࣱ یَوۡمَىِٕذٍ خَـٰشِعَةٌ 2

88:2 Ал күнү кор болгон жүздөр (болот).


عَامِلَةࣱ نَّاصِبَةࣱ 3

88:3 Чарчап-чалыккан абалда


تَصۡلَىٰ نَارًا حَامِیَةࣰ 4

88:4 кызыган отко кирет!


تُسۡقَىٰ مِنۡ عَیۡنٍ ءَانِیَةࣲ 5

88:5 (Аларга) кайнаган булактан суу ичирилет!


لَّیۡسَ لَهُمۡ طَعَامٌ إِلَّا مِن ضَرِیعࣲ 6

88:6 Алар үчүн (тозокто) тикенден башка тамак жок!


لَّا یُسۡمِنُ وَلَا یُغۡنِی مِن جُوعࣲ 7

88:7 (Албетте) ал кубат да бербейт, ачкалыктан да куткара албайт.


وُجُوهࣱ یَوۡمَىِٕذࣲ نَّاعِمَةࣱ 8

88:8 Ал күндө (ыймандуу) жүздөр шат – куунак!


لِّسَعۡیِهَا رَاضِیَةࣱ 9

88:9 өз иш-аракетине ыраазы болот.


فِی جَنَّةٍ عَالِیَةࣲ 10

88:10 (алар) бийик Бейиште.


لَّا تَسۡمَعُ فِیهَا لَـٰغِیَةࣰ 11

88:11 Анда маанисиз сөздөрдү укпайт


فِیهَا عَیۡنࣱ جَارِیَةࣱ 12

88:12 Анда мөлтүр булак агып турат.


فِیهَا سُرُرࣱ مَّرۡفُوعَةࣱ 13

88:13 Анда бийик орундуктар


وَأَكۡوَابࣱ مَّوۡضُوعَةࣱ 14

88:14 чөйчөктөр коюлган


وَنَمَارِقُ مَصۡفُوفَةࣱ 15

88:15 жаздыктар тизилген


وَزَرَابِیُّ مَبۡثُوثَةٌ 16

88:16 кооз килемдер төшөлгөн.


أَفَلَا یَنظُرُونَ إِلَى ٱلۡإِبِلِ كَیۡفَ خُلِقَتۡ 17

88:17 Ырас эле алар төөнүн кандай жаратылганын карашпайбы?!


وَإِلَى ٱلسَّمَاۤءِ كَیۡفَ رُفِعَتۡ 18

88:18 Асмандын кандай көтөрүлүп турганын


وَإِلَى ٱلۡجِبَالِ كَیۡفَ نُصِبَتۡ 19

88:19 тоолордун кандай кадалып коюлганын


وَإِلَى ٱلۡأَرۡضِ كَیۡفَ سُطِحَتۡ 20

88:20 жердин кандай төшөлгөнүн


فَذَكِّرۡ إِنَّمَاۤ أَنتَ مُذَكِّرࣱ 21

88:21 (О, Мухаммад) эскерткин! Анткени, сен тек гана эскертүүчүсүң.


لَّسۡتَ عَلَیۡهِم بِمُصَیۡطِرٍ 22

88:22 Сен аларга үстөмдүк кылуучу эмессиң.


إِلَّا مَن تَوَلَّىٰ وَكَفَرَ 23

88:23 Ал эми ким баш тартса жана каапыр болсо,


فَیُعَذِّبُهُ ٱللَّهُ ٱلۡعَذَابَ ٱلۡأَكۡبَرَ 24

88:24 Алла аны чоң азап менен азаптайт.


إِنَّ إِلَیۡنَاۤ إِیَابَهُمۡ 25

88:25 Албетте, алар Бизге кайтып келишет.


ثُمَّ إِنَّ عَلَیۡنَا حِسَابَهُم 26

88:26 Андан соң алардан эсеп алуу Бизге гана таандык.