سُورَةُ الشَّمۡسِ
﷽
Мээримдүү, Ырайымдуу Алланын аты менен!وَٱلشَّمۡسِ وَضُحَىٰهَا 1
91:1 Күн жана анын жарыгына ант!
وَٱلۡقَمَرِ إِذَا تَلَىٰهَا 2
91:2 Тынч – караңгы түнгө ант!
وَٱلنَّهَارِ إِذَا جَلَّىٰهَا 3
91:3 Жарыгын жайылткан күндүзгө ант!
وَٱلَّیۡلِ إِذَا یَغۡشَىٰهَا 4
91:4 Күндүздү каптап, жаап калган түнгө ант!
وَٱلسَّمَاۤءِ وَمَا بَنَىٰهَا 5
91:5 Асман жана аны Жаратканга ант!
وَٱلۡأَرۡضِ وَمَا طَحَىٰهَا 6
91:6 Жер жана аны төшөөчүгө ант!
وَنَفۡسࣲ وَمَا سَوَّىٰهَا 7
91:7 Напсыга жана аны жайгаштырганга ант!
فَأَلۡهَمَهَا فُجُورَهَا وَتَقۡوَىٰهَا 8
91:8 Напсыга бузулууну да, такыба болууну да илхам салды.
قَدۡ أَفۡلَحَ مَن زَكَّىٰهَا 9
91:9 Кимде-ким аны (напсини) тазаласа, ал ийгилике жетишет.
وَقَدۡ خَابَ مَن دَسَّىٰهَا 10
91:10 Ал эми кимде-ким аны адаштырса, зыян тартат.
كَذَّبَتۡ ثَمُودُ بِطَغۡوَىٰهَاۤ 11
91:11 Самуд (коому) өзүнүн чектен чыгуусу менен (пайгамбары Салихти) жалганчыга чыгарды.
إِذِ ٱنۢبَعَثَ أَشۡقَىٰهَا 12
91:12 (Алардын ичинен) бир бактысызы суурулуп чыккан кезде
فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡیَـٰهَا 13
91:13 Ошондо Алланын элчиси тигилерге: “Алланын төөсүнө жана анын суу ичүүсүнө (тийбегиле)!” – деди.
فَكَذَّبُوهُ فَعَقَرُوهَا فَدَمۡدَمَ عَلَیۡهِمۡ رَبُّهُم بِذَنۢبِهِمۡ فَسَوَّىٰهَا 14
91:14 Аны “жалганчы” дешти жана (төөнү) союп салышты. Натыйжада (ушул) күнөөлөрү себептүү Роббиси аларды ойрон кылды жана аны (азапты бардыгына) тең кылды.
وَلَا یَخَافُ عُقۡبَـٰهَا 15
91:15 Ал (Алла) бул иштин акыбетинен коркпойт.