سُورَةُ اللَّيۡلِ
﷽
Мээримдүү, Ырайымдуу Алланын аты менен!وَٱلَّیۡلِ إِذَا یَغۡشَىٰ 1
92:1 (Ааламдарды караңгылыгы менен) каптаган түнгө ант!
وَٱلنَّهَارِ إِذَا تَجَلَّىٰ 2
92:2 (Жарыгы менен) көрүнгөн күндүзгө ант!
وَمَا خَلَقَ ٱلذَّكَرَ وَٱلۡأُنثَىٰۤ 3
92:3 Эркек менен аялды жараткан Затка ант!
إِنَّ سَعۡیَكُمۡ لَشَتَّىٰ 4
92:4 Албетте, силердин аракетиңер ар башкача.
فَأَمَّا مَنۡ أَعۡطَىٰ وَٱتَّقَىٰ 5
92:5 Ким (садака) берсе жана такыба кылса,
وَصَدَّقَ بِٱلۡحُسۡنَىٰ 6
92:6 жана жакшылыкты (Исламды) тастыктаса,
فَسَنُیَسِّرُهُۥ لِلۡیُسۡرَىٰ 7
92:7 Биз ага жакшылыкты (бактылуу жашоону) жеңил кылабыз.
وَأَمَّا مَنۢ بَخِلَ وَٱسۡتَغۡنَىٰ 8
92:8 Ал эми, ким сараңдык кылса жана текеберденсе,
وَكَذَّبَ بِٱلۡحُسۡنَىٰ 9
92:9 Ыйманды жалган десе
فَسَنُیَسِّرُهُۥ لِلۡعُسۡرَىٰ 10
92:10 Биз ага түйшүктүү жолго түшүүнү жеңил кылабыз.
وَمَا یُغۡنِی عَنۡهُ مَالُهُۥۤ إِذَا تَرَدَّىٰۤ 11
92:11 (Тозокко) оңкосунан сайылган убакта, (кызганган) мал-мүлкү ага пайда бербей калат!
إِنَّ عَلَیۡنَا لَلۡهُدَىٰ 12
92:12 Албетте, (адамдарды) Туура Жолго баштоо Бизге гана таандык иш.
وَإِنَّ لَنَا لَلۡـَٔاخِرَةَ وَٱلۡأُولَىٰ 13
92:13 Анткени, Акырет да, бул дүйнө жашоосу да Бизге гана тиешелүү.
فَأَنذَرۡتُكُمۡ نَارࣰا تَلَظَّىٰ 14
92:14 Мына Мен силерди алоолонгон тозок (оту) менен коркутуп эскертемин.
لَا یَصۡلَىٰهَاۤ إِلَّا ٱلۡأَشۡقَى 15
92:15 Ал жерге бактысыздар гана кирет.
ٱلَّذِی كَذَّبَ وَتَوَلَّىٰ 16
92:16 Ал (Исламды) жалган деп (чындыктан) жүз бурган.
وَسَیُجَنَّبُهَا ٱلۡأَتۡقَى 17
92:17 Андан такыба гана оолак болот.
ٱلَّذِی یُؤۡتِی مَالَهُۥ یَتَزَكَّىٰ 18
92:18 Ал мал-мүлкүн (Аллаh жолунда) берип, (өзүн сараңдыктан) тазалаган киши.
وَمَا لِأَحَدٍ عِندَهُۥ مِن نِّعۡمَةࣲ تُجۡزَىٰۤ 19
92:19 Ал эч бирөөгө сыйлык берүүгө милдеттүү эмес.
إِلَّا ٱبۡتِغَاۤءَ وَجۡهِ رَبِّهِ ٱلۡأَعۡلَىٰ 20
92:20 Тек гана (тиги өз байлыгынан) бийик даражалуу Роббисинин ыраазылыгын гана талап кылат.
وَلَسَوۡفَ یَرۡضَىٰ 21
92:21 Жакында (Алла аны чоң сыйлык менен сыйлайт. Ошондо ал дагы Роббисинен) ыраазы болот.