سُورَةُ التَّكَاثُرِ
﷽
Мээримдүү, Ырайымдуу Алланын аты менен!أَلۡهَىٰكُمُ ٱلتَّكَاثُرُ 1
102:1 (Дүйнө, бала-чака) көбөйтүү (жана аны менен сыймыктануу) силерди (ибадаттан) алаксытып койду.
حَتَّىٰ زُرۡتُمُ ٱلۡمَقَابِرَ 2
102:2 ажал жетип, мүрзөлөргө коюлганча.
كَلَّا سَوۡفَ تَعۡلَمُونَ 3
102:3 Жок! (Өмүр деген дүйнөгө кул болуу үчүн берилген эмес!) Силер (муну) жакында билип аласыңар!
ثُمَّ كَلَّا سَوۡفَ تَعۡلَمُونَ 4
102:4 Дагы бир ирет жок! Силер жакында (Кыяматтагы сурак учурунда) билип аласыңар!
كَلَّا لَوۡ تَعۡلَمُونَ عِلۡمَ ٱلۡیَقِینِ 5
102:5 Жок-жок, эгер силер (чындыкты ушул дүйнөдө) анык билгениңерде (дүйнөгө кул болбойт элеңер)
لَتَرَوُنَّ ٱلۡجَحِیمَ 6
102:6 Албетте, сөзсүз тозокту көрөсүңөр.
ثُمَّ لَتَرَوُنَّهَا عَیۡنَ ٱلۡیَقِینِ 7
102:7 Анан аны (дагы бир жолу кайталайм) албетте, өз көзүңөр менен көрөсүңөр!
ثُمَّ لَتُسۡـَٔلُنَّ یَوۡمَىِٕذٍ عَنِ ٱلنَّعِیمِ 8
102:8 Мындан соң (силерге берилген жакшылыктардан) ошол күнү сөзсүз сураласыңар.