سُورَةُ الطُّورِ
﷽
Мээримдүү, Ырайымдуу Алланын аты менен!وَٱلطُّورِ 1
52:1 Тур тоосуна ант!
وَكِتَـٰبࣲ مَّسۡطُورࣲ 2
52:2 Жана жазылган Китепке ант!
فِی رَقࣲّ مَّنشُورࣲ 3
52:3 Териге жазылганга ант!
وَٱلۡبَیۡتِ ٱلۡمَعۡمُورِ 4
52:4 Тургузулган үйгө ант!
وَٱلسَّقۡفِ ٱلۡمَرۡفُوعِ 5
52:5 Жана бийик тамга (асманга) ант!
وَٱلۡبَحۡرِ ٱلۡمَسۡجُورِ 6
52:6 Толуп-ташкан деңизге ант!
إِنَّ عَذَابَ رَبِّكَ لَوَ ٰقِعࣱ 7
52:7 (О, Мухаммад) Роббиңдин азабы, албетте, орундалат.
مَّا لَهُۥ مِن دَافِعࣲ 8
52:8 Аны токтотуучу (күч) жок!
یَوۡمَ تَمُورُ ٱلسَّمَاۤءُ مَوۡرࣰا 9
52:9 Ал Күнү (Кыяматта) асман катуу силкинет.
وَتَسِیرُ ٱلۡجِبَالُ سَیۡرࣰا 10
52:10 Тоолор ордунан жылат.
فَوَیۡلࣱ یَوۡمَىِٕذࣲ لِّلۡمُكَذِّبِینَ 11
52:11 Акыйкатты жалган дегендерге, ал Күнү азап (болсун)!
ٱلَّذِینَ هُمۡ فِی خَوۡضࣲ یَلۡعَبُونَ 12
52:12 Алар (өз жалгандарында) чумкуп, оюн кылышкан.
یَوۡمَ یُدَعُّونَ إِلَىٰ نَارِ جَهَنَّمَ دَعًّا 13
52:13 Ал Күнү алар Тозокко айдалышат.
هَـٰذِهِ ٱلنَّارُ ٱلَّتِی كُنتُم بِهَا تُكَذِّبُونَ 14
52:14 “Мына, силер жалган деген От!” (деп айтылат).
أَفَسِحۡرٌ هَـٰذَاۤ أَمۡ أَنتُمۡ لَا تُبۡصِرُونَ 15
52:15 Бул сыйкыр бекен же силер көрбөй жатасыңарбы?
ٱصۡلَوۡهَا فَٱصۡبِرُوۤا۟ أَوۡ لَا تَصۡبِرُوا۟ سَوَاۤءٌ عَلَیۡكُمۡۖ إِنَّمَا تُجۡزَوۡنَ مَا كُنتُمۡ تَعۡمَلُونَ 16
52:16 Тозокко күйгүлө! Чыдасаңар да, чыдабасаңар да – силерге баары бир (эмеспи). Албетте, жасаган иш-амалыңардын жазасын гана тартасыңар!
إِنَّ ٱلۡمُتَّقِینَ فِی جَنَّـٰتࣲ وَنَعِیمࣲ 17
52:17 Чындыгында, такыбалар бакчаларда жана ырахатта (болушат).
فَـٰكِهِینَ بِمَاۤ ءَاتَىٰهُمۡ رَبُّهُمۡ وَوَقَىٰهُمۡ رَبُّهُمۡ عَذَابَ ٱلۡجَحِیمِ 18
52:18 (Алар) Роббиси берген неематтын даамын татышат. Аларды Роббиси Тозок отунан сактайт.
كُلُوا۟ وَٱشۡرَبُوا۟ هَنِیۤـَٔۢا بِمَا كُنتُمۡ تَعۡمَلُونَ 19
52:19 (Аларга): «(Сооптуу) иш кылганыңар үчүн (каалаган нерсеңерден) жегиле жана ичкиле, аш болсун!» (деп айтылат).
مُتَّكِـِٔینَ عَلَىٰ سُرُرࣲ مَّصۡفُوفَةࣲۖ وَزَوَّجۡنَـٰهُم بِحُورٍ عِینࣲ 20
52:20 (Алар бейиштеги дарыялардын жээгинде) катар тизилген сөрүлөрдүн үстүндө жамбаштап жатышат. Биз аларды бакыраң көз «үр» кыздарга үйлөнтүп коебуз.
وَٱلَّذِینَ ءَامَنُوا۟ وَٱتَّبَعَتۡهُمۡ ذُرِّیَّتُهُم بِإِیمَـٰنٍ أَلۡحَقۡنَا بِهِمۡ ذُرِّیَّتَهُمۡ وَمَاۤ أَلَتۡنَـٰهُم مِّنۡ عَمَلِهِم مِّن شَیۡءࣲۚ كُلُّ ٱمۡرِىِٕۭ بِمَا كَسَبَ رَهِینࣱ 21
52:21 Ал эми, ыйман келтирип, урпактары дагы (аларды) ыйман менен ээрчиген адамдарга (Бейиште) урпактарын кошобуз. Бирок, алардын (бабалардын) амалдарынан эч нерсе кемитилбейт. Ар бир адам өз ишинин туткуну.
وَأَمۡدَدۡنَـٰهُم بِفَـٰكِهَةࣲ وَلَحۡمࣲ مِّمَّا یَشۡتَهُونَ 22
52:22 Биз аларга өздөрү каалагандай (ар түрдүү) мөмөлөр, каалагандай куш эттери менен ырахаттандырабыз.
یَتَنَـٰزَعُونَ فِیهَا كَأۡسࣰا لَّا لَغۡوࣱ فِیهَا وَلَا تَأۡثِیمࣱ 23
52:23 Алар бири-бирине (Бейиште шарап толтурулган) суусундуктарды бири-бирине сунушат. Ал жерде пайдасыз жана күнөөлүү сөз сүйлөнбөйт.
۞ وَیَطُوفُ عَلَیۡهِمۡ غِلۡمَانࣱ لَّهُمۡ كَأَنَّهُمۡ لُؤۡلُؤࣱ مَّكۡنُونࣱ 24
52:24 Аларды(н кызматында седептин ичине) катылган бермет сыяктуу жаш (сулуу) жигиттер айланчыктап турушат.
وَأَقۡبَلَ بَعۡضُهُمۡ عَلَىٰ بَعۡضࣲ یَتَسَاۤءَلُونَ 25
52:25 (Бейиштегилер) бетме-бет (олтуруп), бири-биринен сурашат:
قَالُوۤا۟ إِنَّا كُنَّا قَبۡلُ فِیۤ أَهۡلِنَا مُشۡفِقِینَ 26
52:26 « Биз илгери (дүйнөдөгү жашообузда) үй-бүлөлөрүбүз менен чогуу (Алладан) коркчу элек,
فَمَنَّ ٱللَّهُ عَلَیۡنَا وَوَقَىٰنَا عَذَابَ ٱلسَّمُومِ 27
52:27 Ошондуктан Алла бизди ийгиликке (Ислам динине) жеткирип, заардуу азаптан сактады.
إِنَّا كُنَّا مِن قَبۡلُ نَدۡعُوهُۖ إِنَّهُۥ هُوَ ٱلۡبَرُّ ٱلرَّحِیمُ 28
52:28 Биз мурда ага жалбарып, дуа кылчу элек. Анткени Ал – Жакшылык кылуучу, Ырайымдуу».
فَذَكِّرۡ فَمَاۤ أَنتَ بِنِعۡمَتِ رَبِّكَ بِكَاهِنࣲ وَلَا مَجۡنُونٍ 29
52:29 (О, Мухаммад! (Үммөтүңө эскерт). (Анткени) сен, Алланын жакшылыгы менен көзүачык да, жинди да эмессиң.
أَمۡ یَقُولُونَ شَاعِرࣱ نَّتَرَبَّصُ بِهِۦ رَیۡبَ ٱلۡمَنُونِ 30
52:30 Же болбосо, алар (мушриктер: «Бул) акын. Анын өлүмүн күтө туралы» – дешеби?
قُلۡ تَرَبَّصُوا۟ فَإِنِّی مَعَكُم مِّنَ ٱلۡمُتَرَبِّصِینَ 31
52:31 Айткын: «Күтө бергиле! Мен да силер менен бирге (Алла силерге азап берүүсүн) күтөмүн!»
أَمۡ تَأۡمُرُهُمۡ أَحۡلَـٰمُهُم بِهَـٰذَاۤۚ أَمۡ هُمۡ قَوۡمࣱ طَاغُونَ 32
52:32 Аларды акылы (Куранды жалганга чыгарууга) буйруп жатабы, же алар чектен ашкан коомбу?
أَمۡ یَقُولُونَ تَقَوَّلَهُۥۚ بَل لَّا یُؤۡمِنُونَ 33
52:33 Же алар: ««(Мухаммад) аны (Куранды) өзү ойлоп тапкан» – дешеби? Жок! Алар ыйман келтиришпейт!
فَلۡیَأۡتُوا۟ بِحَدِیثࣲ مِّثۡلِهِۦۤ إِن كَانُوا۟ صَـٰدِقِینَ 34
52:34 Эгер («Куранды инсан ойлоп чыгарган» деген сөздөрүндө) чынчыл болушса, ага окшогон бир гана сөз алып келишсин?!
أَمۡ خُلِقُوا۟ مِنۡ غَیۡرِ شَیۡءٍ أَمۡ هُمُ ٱلۡخَـٰلِقُونَ 35
52:35 Алар Жаратуучусуз жаралышканбы же өздөрү Жаратуучубу?!
أَمۡ خَلَقُوا۟ ٱلسَّمَـٰوَ ٰتِ وَٱلۡأَرۡضَۚ بَل لَّا یُوقِنُونَ 36
52:36 Асмандар менен жерди эмне, алар жаратыштыбы?! Жок! Алар ишенишпейт!
أَمۡ عِندَهُمۡ خَزَاۤىِٕنُ رَبِّكَ أَمۡ هُمُ ٱلۡمُصَۣیۡطِرُونَ 37
52:37 Же болбосо, Роббиңдин казына-мүлкү алардын колундабы? Же алар (ошол казына-мүлккө) кожоюнбу?!
أَمۡ لَهُمۡ سُلَّمࣱ یَسۡتَمِعُونَ فِیهِۖ فَلۡیَأۡتِ مُسۡتَمِعُهُم بِسُلۡطَـٰنࣲ مُّبِینٍ 38
52:38 Же алардын колунда аны менен (асмандагы кайып кабарларды) уга турган шатысы барбы? (Эгер бар болсо) анык далил менен, уккан кишисин алып келишсин!
أَمۡ لَهُ ٱلۡبَنَـٰتُ وَلَكُمُ ٱلۡبَنُونَ 39
52:39 Ага (Алла Таалага) кыз перзенттер, өздөрүнө уул перзенттерби?!
أَمۡ تَسۡـَٔلُهُمۡ أَجۡرࣰا فَهُم مِّن مَّغۡرَمࣲ مُّثۡقَلُونَ 40
52:40 Же алардан сен (дин үйрөткөнүң үчүн) акы сурап жатасыңбы? Анан аларга акы төлөө оор келдиби?!
أَمۡ عِندَهُمُ ٱلۡغَیۡبُ فَهُمۡ یَكۡتُبُونَ 41
52:41 Же алардын кайыптан маалыматы бар болуп, алар ошону жазып жатышабы?
أَمۡ یُرِیدُونَ كَیۡدࣰاۖ فَٱلَّذِینَ كَفَرُوا۟ هُمُ ٱلۡمَكِیدُونَ 42
52:42 Же болбосо, алар (сага каршы бир) амалкөйлүк ойлоп жатышкандыр! Каапырлардын амалдары өздөрүнө зыян болуп кайтат.
أَمۡ لَهُمۡ إِلَـٰهٌ غَیۡرُ ٱللَّهِۚ سُبۡحَـٰنَ ٱللَّهِ عَمَّا یُشۡرِكُونَ 43
52:43 Же алардын Алладан башка кудайы барбы?! Алла алар ойлоп тапкан шериктерден Аруу, Таза.
وَإِن یَرَوۡا۟ كِسۡفࣰا مِّنَ ٱلسَّمَاۤءِ سَاقِطࣰا یَقُولُوا۟ سَحَابࣱ مَّرۡكُومࣱ 44
52:44 Эгер алар асмандан (өздөрүнүн башына) түшүп келе жаткан (балээнин) бир бөлүгүн көрсө да, (анын балээ экенин ойлоп да койбостон): «Бул – булуттардын үймөгү» , – деп айтышмак.
فَذَرۡهُمۡ حَتَّىٰ یُلَـٰقُوا۟ یَوۡمَهُمُ ٱلَّذِی فِیهِ یُصۡعَقُونَ 45
52:45 (О, Мухаммад!) Алар өздөрү кыйрай турган Кыямат Күнүнө жолукканга чейин жөн жайына кой.
یَوۡمَ لَا یُغۡنِی عَنۡهُمۡ كَیۡدُهُمۡ شَیۡـࣰٔا وَلَا هُمۡ یُنصَرُونَ 46
52:46 Ал күнү аларга айлакерликтери пайда бербейт жана аларга жардам да берилбейт.
وَإِنَّ لِلَّذِینَ ظَلَمُوا۟ عَذَابࣰا دُونَ ذَ ٰلِكَ وَلَـٰكِنَّ أَكۡثَرَهُمۡ لَا یَعۡلَمُونَ 47
52:47 Зулумдук кылгандарга мындан да (тозоктон) башка азап (бар). Бирок алардын көбү билишпейт.
وَٱصۡبِرۡ لِحُكۡمِ رَبِّكَ فَإِنَّكَ بِأَعۡیُنِنَاۖ وَسَبِّحۡ بِحَمۡدِ رَبِّكَ حِینَ تَقُومُ 48
52:48 Роббиңдин өкүмүнө сабыр кыл! Анткени, сен Биздин көз алдыбыздасың. (Намазга) турган учуруңда Роббиңди мактоо менен аруула!
وَمِنَ ٱلَّیۡلِ فَسَبِّحۡهُ وَإِدۡبَـٰرَ ٱلنُّجُومِ 49
52:49 Аны түндүн бир бөлүгүндө да, жылдыздар кеткен (таң) мезгилинде дагы Ага тасбих айт!